‘கப்பல்களைத் தாக்கினால் ஈரானின் மின் நிலையங்களை அழிப்போம்’: டிரம்ப் எச்சரிக்கை
- Surendran Sumdraraj
- 23 Jul, 2026
வாஷிங்டன், ஜூலை 23-
மத்திய கிழக்கில் பதற்றம் அதிகரித்து வரும் நிலையில், சர்வதேச கப்பல் போக்குவரத்துக்கு எதிராக ஈரான் தாக்குதல் நடத்தினால், அந்நாட்டின் மின் உற்பத்தி நிலையங்களை அமெரிக்கா குறிவைத்து தாக்கும் என்று அமெரிக்க அதிபர் டொனால்டு டிரம்ப் கடும் எச்சரிக்கை விடுத்துள்ளார். அவரது இந்தக் கருத்து, அமெரிக்கா–ஈரான் இடையிலான மோதல் மேலும் தீவிரமடையும் சூழலை உருவாக்கியுள்ளது.
செய்தியாளர்களிடம் பேசிய டிரம்ப், சர்வதேச கடல் வழித்தடங்களில் பயணிக்கும் வர்த்தகக் கப்பல்கள் மற்றும் அமெரிக்க நலன்களுக்கு அச்சுறுத்தல் ஏற்பட்டால், அதற்கு அமெரிக்கா கடுமையான பதிலடி அளிக்கும் என்று தெரிவித்தார். குறிப்பாக, கப்பல்கள் மீது தாக்குதல் நடத்தப்பட்டால், ஈரானின் மின் உற்பத்தி நிலையங்கள் உள்ளிட்ட முக்கிய உள்கட்டமைப்புகள் குறிவைக்கப்படும் என அவர் எச்சரித்தார்.
ஹோர்முஸ் ஜலசந்தி வழியாக உலகின் கணிசமான அளவிலான கச்சா எண்ணெய் மற்றும் இயற்கை எரிவாயு போக்குவரத்து நடைபெற்று வருகிறது. இந்தப் பகுதியில் பாதுகாப்பு பாதிக்கப்பட்டால், உலகளாவிய எரிசக்தி விநியோகம் மற்றும் சர்வதேச வர்த்தகம் கடுமையாக பாதிக்கப்படும் என்ற அச்சம் நிலவுகிறது.
Leave a Reply
Your email address will not be published. Required fields are marked *
தேடல்
செய்தி வகை
