அடுத்த வாரமும் உறுதியுடன் தொடரும் ரிங்கிட்டின் முன்னேற்றம்-வங்கி நிபுணர்கள்!

Muthu Kumar
02 Nov, 2025

கோலாலம்பூர், நவ. 2-

பேங்க் நெகாரா வங்கி வரும் நவம்பர் 6 அன்று அறிவிக்க உள்ள ஒரே இரவு வட்டி கொள்கை விகிதம் தொடர்பான முடிவு, அடுத்த வார சந்தை இயக்கத்தின் முக்கிய அம்சமாக இருக்கும் நிலையில், ரிங்கிட்டின் நேர்மறை போக்கு தொடரும் என எதிர்பார்க்கப்படுகிறது.

முவாமாலட்வங்கி மலேசியா பெர்ஹாட் தலைமை பொருளாதார நிபுணர் மொஹ்த் அஃப்ஸனிசாம் அப்துல் ரஷீத் கூறியதாவது.
ரிங்கிட் அடுத்த வாரம் அமெரிக்க டாலருக்கு எதிராக 4.18 முதல் 4.20 வரை வரம்பில் வர்த்தகம் செய்யப்படும் என எதிர்பார்க்கப்படுகிறது."இந்த முடிவு, பேங்க் நெகாரா பொருளாதாரத்தை எவ்வாறு மதிப்பிடுகிறது. எதிர்கால நாணயக் கொள்கை நிலைப்பாட்டை அது எவ்வாறு வடிவமைக்கும் என்பதற்கான தெளிவை வழங்கும்.

நாங்கள் ஓபிஆர்-ஐ 2.75 சதவீதத்தில் நிலைநிறுத்தப்படும் என கணிக்கிறோம், ஏனெனில் மலேசிய பொருளாதாரம் இன்னும் உறுதியுடன் உள்ளது.இதற்கான அடிப்படை சமீபத்திய மூன்றாம் காலாண்டு மொத்த உள்நாட்டு உற்பத்தி முன்னேற்ற மதிப்பீட்டில் 5.2 சதவீத வளர்ச்சி காணப்பட்டுள்ளது என்று அவர் பெர்னாமாவுக்கு தெரிவித்தார்.

வாராந்திர அடிப்படையில், ரிங்கிட் கடந்த வாரத்துடன் ஒப்பிடும்போது சிறிதளவு உயர்வுடன் 4.1860/1930 விலையில் மூடப்பட்டது (முந்தைய 4.2210/2255 இல் இருந்து.உள்நாட்டு நாணயம் முக்கிய நாணயங்களின் தொகுப்புக்கு எதிராகவும்
வலுவாக இருந்தது.

அது ஜப்பானிய யெனுக்கு எதிராக 2.7162/7210 (முந்தைய 2.7592/7623) ஆக உயர்ந்தது.பிரிட்டிஷ் பவுண்டுக்கு எதிராக 5.5025/5117 (முந்தைய 5.6232/6292) ஆக வலுவடைந்தது. மேலும் யூரோவுக்கு எதிராக 4.8453/8534 (முந்தைய 4.9010/9062) முடிந்தது.

அதேபோல், ரிங்கிட் பெரும்பாலான ஆசியான் நாடுகளின் நாணயங்களுக்கும் எதிராக உயர்வைக் காட்டியது.அது சிங்கப்பூர் டாலருக்கு 3.2185/2241 (முந்தைய 3.2484/2521) ஆக உயர்ந்தது.இந்தோனேசிய ரூபியாக்கு 251.7/252.2 (முந்தைய 254.2/254.6) ஆக மேம்பட்டது. பிலிப்பைன்ஸ் பெசோவுக்கு எதிராக 7.12/7.14 (முந்தைய 7.20/7.21) ஆக உயர்ந்தது.ஆனால் தாய் பாட் நாணயத்திற்கு எதிராக சிறிது வீழ்ச்சி கண்டு 12.9429/9702 (முந்தைய 12.8768/8952) ஆக முடிந்தது.

Your email address will not be published. Required fields are marked *

முக்கிய செய்தி