சவுதி மீது டிரோன் தாக்குதல்: ஈரான் ஆதரவு ஈராக் கிளர்ச்சியாளர்கள் மீது குற்றச்சாட்டு
- Surendran Sumdraraj
- 28 Jul, 2026
ரியாத், ஜூலை 28-
சவுதி அரேபியாவின் முக்கிய எண்ணெய் வள பகுதிகளைக் குறிவைத்து ஈரான் ஆதரவு பெற்ற ஈராக் கிளர்ச்சியாளர்கள் டிரோன் தாக்குதல் நடத்த முயன்றதாகத் தகவல் வெளியாகியுள்ளது. இந்த தாக்குதல் முயற்சி மத்திய கிழக்கு பிராந்தியத்தில் மீண்டும் பதற்றத்தை ஏற்படுத்தியுள்ளது.
சவுதி அரேபியாவின் கச்சா எண்ணெய் வயல்கள், சேமிப்பு கிடங்குகள் மற்றும் எண்ணெய் கிணறுகளைக் குறிவைத்து டிரோன்கள் ஏவப்பட்டதாக தெரிவிக்கப்பட்டுள்ளது. ஆனால், சவுதி அரேபியாவின் வான் பாதுகாப்பு அமைப்புகள் அந்த டிரோன்களை நடுவானிலேயே இடைமறித்து அழித்ததாகக் கூறப்பட்டுள்ளது.
இந்தத் தாக்குதலுக்குப் பின்னால் ஈரான் ஆதரவு பெற்ற ஈராக் ஆயுதக் குழுக்கள் இருப்பதாக சவுதி தரப்பு குற்றம்சாட்டியுள்ளது. எனினும், சம்பந்தப்பட்ட ஈராக் கிளர்ச்சிக் குழுக்கள் உடனடியாக பொறுப்பேற்கவில்லை என தகவல்கள் தெரிவிக்கின்றன.
ஈரான் மற்றும் சவுதி அரேபியா இடையே நீண்டகாலமாக அரசியல் மற்றும் பிராந்திய ஆதிக்கப் போட்டி நிலவி வருகிறது. இதனிடையே, ஈரான் ஆதரவு பெற்ற ஹவுதி கிளர்ச்சியாளர்கள் மற்றும் பிற ஆயுதக் குழுக்களின் நடவடிக்கைகள் காரணமாக வளைகுடா பகுதியில் பாதுகாப்பு அச்சுறுத்தல்கள் அதிகரித்து வருகின்றன.
Leave a Reply
Your email address will not be published. Required fields are marked *
தேடல்
செய்தி வகை
