• Shan Siva
• 09 Jun, 2024

 பெட்டாலிங் ஜெயா, ஜூன் 9: கெப்போங்கில் உள்ள ஜீசஸ் கேரிதாஸ் கத்தோலிக்க தேவாலயத்திற்கு அடுத்துள்ள தெனாகா நேஷனல் துணை மின்நிலையம் இன்று மாலை தீப்பிடித்தது.

இச்சம்பவத்தில் தேவாலயம் பாதிக்கப்படவில்லை மற்றும் உயிர்ச் சேதம் எதுவும் இல்லை என்று தீயணைப்பு மற்றும் மீட்பு துறை செய்தித் தொடர்பாளர் தெரிவித்தார். அப்போது தேவாலய நிகழ்ச்சி ஒன்றில் ஏராளமானோர் கலந்து கொண்டதாக கூறப்படுகிறது.

தீ விபத்து குறித்த அவசர அழைப்பு இரவு 7.14 மணிக்கு வந்ததாக தீயணைப்பு மற்றும் மீட்புத் துறை தெரிவித்துள்ளது. தீயணைப்பு வீரர்கள் வரும்போது தீ வேகமாக பரவியதாகவும், ஆனால் நேரடி மின்சாரம் காரணமாக அவர்களால் நேரடியாக அணைக்க முடியவில்லை என்று மூத்த நடவடிக்கை தளபதி அசார் ஹருன் கூறினார்.

இரவு 9.21 மணியளவில் தீ வெற்றிகரமாக அணைக்கப்பட்டது. தீ விபத்துக்கான காரணம் குறித்து விசாரணை நடத்தப்பட்டு வருகிறது!