• Muthu Kumar
• 14 Nov, 2024

சிவகார்த்திகேயன் கடந்த 2010 ஆம் ஆண்டு தனது முறைப் பெண் ஆர்த்தியை திருமணம் செய்துகொண்டார். இவர்களுக்கு ஆராதனா என்கிற பெண் குழந்தையும் குகன் தாஸ் என்கிற ஆண் குழந்தையும் உள்ளார்கள். கடந்த ஜூன் மாதம் இந்த தம்பதிக்கு மூன்றாவதாக ஆண் குழந்தை பிறந்தது. திரையில் நகைச்சுவையான நடிகராக இருப்பது போலவே தனிப்பட்ட வாழ்க்கையிலும் எஸ்.கே அதேபோல் ஜாலியா ஒரு நபராக இருக்கிறார்.

சிவகார்த்திகேயன் தனது மனைவி ஆர்த்தி பிறந்தநாளுக்கு அமரன் பட ஸ்டைலில் இன்ப அதிர்ச்சி கொடுத்த காணொளி ஒன்று சமூக வலைதளத்தில் வைரலாகி வருகிறது. இந்த காணொளியில் தாடி மீசை எல்லாம் எடுத்துவிட்டு ராணுவ உடை அணிந்து சிவகார்த்திகேயன் ஆர்த்தி பின்னால் சென்று நிற்கிறார். முதலில் எஸ்.கேவை பார்க்கும் ஆர்த்தி அடையாளம் தெரியாமல் லேசாக பயந்துபோவதும் பின் சிரிப்பதும் என அவரது க்யூட்டான ரியாக்‌ஷன்கள் ரசிகர்களை கவர்ந்துள்ளது

அமரன் படத்தைத் தொடர்ந்து சிவகார்த்திகேயன் ஏ.ஆர் முருகதாஸ் இயக்கும் படத்தில் நடித்து வருகிறார். இப்படத்தில் ருக்மினி வசந்த் , விக்ராந்த் , வித்யுத் ஜம்வால் , பிஜாய் மேனன் உள்ளிட்டவர்கள் நடிக்கிறார்கள். அனிருத் இசையமைக்கிறார். ஶ்ரீ லக்‌ஷ்மி மூவீஸ் இப்படத்தை தயாரித்து வருகிறது.