‘ஜனநாயகன்’ ரிலீஸ்: திரையரங்குகளில் குவிந்த ரசிகர்கள்... நடனமாடி உற்சாக கொண்டாட்டம்
- Surendran Sumdraraj
- 23 Jul, 2026
சென்னை, ஜூலை 23-
நடிகர் விஜய் நடித்துள்ள ‘ஜனநாயகன்’ திரைப்படம் இன்று உலகம் முழுவதும் திரையரங்குகளில் வெளியானதை முன்னிட்டு, தமிழகம் முழுவதும் ரசிகர்கள் உற்சாகக் கொண்டாட்டத்தில் ஈடுபட்டனர். அதிகாலை முதலே திரையரங்குகள் முன்பு ரசிகர்கள் திரண்ட நிலையில், மேளதாளங்கள் முழங்க நடனமாடி, பட்டாசுகள் வெடித்து, இனிப்புகள் வழங்கி படத்தின் வெளியீட்டை திருவிழாவைப் போல் கொண்டாடினர்.
சென்னையில் உள்ள முக்கிய திரையரங்குகள் வண்ணமயமான அலங்காரங்கள், பிரம்மாண்ட கட்-அவுட்கள் மற்றும் பேனர்களால் களைகட்டின. ரசிகர்கள் விஜய்யின் கட்-அவுட்களுக்குப் பாலாபிஷேகம் செய்து, மலர் தூவி தங்களது மகிழ்ச்சியை வெளிப்படுத்தினர். திரைப்படத்தின் முதல் காட்சியைக் காண அதிகாலை முதலே நீண்ட வரிசையில் காத்திருந்த ரசிகர்களால் திரையரங்குகள் திருவிழா சூழலை ஒத்திருந்தன.
தமிழகத்தைத் தவிர கர்நாடகா, கேரளா, ஆந்திரப் பிரதேசம் உள்ளிட்ட மாநிலங்களிலும் ‘ஜனநாயகன்’ திரைப்படம் உற்சாக வரவேற்பைப் பெற்றுள்ளது. பல்வேறு இடங்களில் ரசிகர்கள் ஆட்டம், பாட்டம், மேளதாளங்கள் மற்றும் பட்டாசுகளுடன் படத்தின் வெளியீட்டைக் கொண்டாடினர். கோவையிலும் அதிகாலை முதல் காட்சியைக் காண ரசிகர்கள் ஆர்வத்துடன் திரண்டனர்.
Leave a Reply
Your email address will not be published. Required fields are marked *
தேடல்
செய்தி வகை
