• Muthu Kumar
• 07 Nov, 2025

அஜித் குமார் நடிக்க லோகேஷ் கனகராஜ் இயக்க AK65 திரைப்படம் தயாராக இருப்பதாக கடந்த ஒரு சில தினங்களாக பரவலாக பேசப்பட்டு வருகின்றது.

அஜித்தின் 64 ஆவது திரைப்படத்தை ஆதிக் ரவிச்சந்திரன் இயக்குவது உறுதியாகிவிட்டது. இப்படத்தின் படப்பிடிப்பு அடுத்தாண்டு ஜனவரி மாதம் முதல் துவங்கவுள்ளது. இதெல்லாம் ஒருபக்கம் இருக்கையில் அஜித்தின் 65 ஆவது படம் குறித்து தற்போதே ஒரு தகவல் உலா வர துவங்கிவிட்டது.

அதாவது லோகேஷ் கனகராஜின் இயக்கத்தில் அஜித் நடிக்கப்போவதாக வரும் தகவல் தான் அது. கூலி படத்தை தொடர்ந்து லோகேஷ் கனகராஜ் கார்த்தியை வைத்து கைதி 2 படத்தை தான் அநேகமாக இயக்குவார் என எதிர்பார்க்கப்படுகின்றது. முதலில் ரஜினி -கமல் இணைந்து நடிக்கும் படத்தை லோகேஷ் கனகராஜ் இயக்கவுள்ளதாக சொல்லப்பட்டது. ஆனால் தற்போது கைதி 2 படத்தை தான் லோகேஷ் அடுத்ததாக இயக்க இருக்கின்றார் என பரவலாக சொல்லப்படுகின்றது.

தற்சமயம் லோகேஷ் கனகராஜ் அருண் மாதேஸ்வரன் இயக்கத்தில் உருவாகும் படத்தில் ஹீரோவாக நடித்து வருகின்றார். இப்படத்தின் அறிவிப்பு கடந்த வாரம் வெளியானது. இப்படத்தை முடித்துவிட்டு தான் லோகேஷ் கனகராஜ் தன் அடுத்த படத்தை இயக்க இருக்கின்றார். இந்நிலையில் விரைவில் லோகேஷ் கனகராஜ் அஜித்தை கண்டிப்பாக இயக்குவார் என சொல்லப்பட்ட நிலையில் தற்போது அப்படம் டபுள் ஹீரோ சப்ஜெக்ட்டாக இருக்கும் என தெரிகின்றது.

அஜித்தை வைத்து லோகேஷ் கனகராஜ் டபுள் ஹீரோ படத்தை இயக்க இருக்கின்றார் என்றும், கமல் அல்லது ரஜினியை நடிக்க வைக்கலாம் என லோகேஷ் யோசித்ததாகவும் சொல்லப்படுகின்றது. ஆனால் லோகேஷ் கனகராஜின் இந்த ஐடியா சாத்தியமா ? என்பது தான் தெரியவில்லை. அஜித் தற்போதைய சூழலில் டபுள் ஹீரோ கதையில் நடிப்பாரா ? என்பது சந்தேகம் தான்.

இருந்தாலும் ஒருவேளை அஜித் லோகேஷ் கனகராஜின் டபுள் ஹீரோ கதைக்கு ஓகே சொன்னால் கண்டிப்பாக தமிழ் சினிமா ரசிகர்களுக்கு மிகப்பெரிய ட்ரீட்டாக அப்படம் அமையும் என்பதில் எந்த ஒரு மாற்று கருத்தும் கிடையாது.

அஜித் டபுள் ஹீரோ கதைக்கு ஓகே சொல்வாரா ? என்பது தான் பெரும் கேள்வியாக உள்ளது. மேலும் லோகேஷ் கனகராஜ் -அஜித் இணையும் படத்தை ராஜ் கமல் பிலிம்ஸ் சார்பாக கமலே தயாரிக்க இருப்பதாகவும் ஒரு செய்தி உண்டு. ஆனால் தற்போதைக்கு இதெல்லாம் ஆரம்பகட்ட பேச்சுவார்த்தையில் தான் உள்ளதாம். இன்னும் எந்த ஒரு விஷயமும் உறுதிப்படுத்தப்படவில்லை என தெரிகின்றது.

தற்போது கார் பந்தயங்களில் கலந்துகொள்ளும் அஜித் அடுத்ததாக தன் அடுத்த படமான AK64 பட வேலைகளை தான் துவங்க இருக்கின்றார். அதற்கிடையில் தன் 65 ஆவது படத்தின் இயக்குனரையும் தேர்ந்தெடுக்கும் பணியில் இறங்கியிருக்கின்றாராம் அஜித். பிரஷாந்த் நீல், லோகேஷ் கனகராஜ் என பல இயக்குனர்களின் பெயர்கள் AK65 படத்திற்காக அடிபட்டு வருகின்றது. இதில் அஜித் யாரை தேர்ந்தெடுப்பார் என்பது தெரியவில்லை.

ஆனால் லோகேஷ் கனகராஜின் இயக்கத்தில் அஜித் நடிக்க வேண்டும் என்பது தமிழ் சினிமா ரசிகர்களின் விருப்பமாக உள்ளது. கண்டிப்பாக லோகேஷ் கனகராஜ் மற்றும் அஜித் கூட்டணியில் ஒரு படம் உருவானால் அப்படம் வித்யாசமான ஒரு படைப்பாகவே இருக்கும். அதுவும் லோகேஷ் கனகராஜின் ஸ்டைலில் அஜித் அப்படத்தில் நடிக்க வேண்டும் என்பது தான் ஏ.கே ரசிகர்களின் விருப்பமாக இருந்து வருகின்றது. அவர்களின் விருப்பப்படி இந்த தகவல் உண்மையாக இருக்குமா ? என்பதை பொறுத்திருந்து தான் பார்க்க வேண்டும்.

இந்நிலையில் நவம்பர் மாதமே AK64 திரைப்படத்தின் அறிவிப்பு வரும் என எதிர்பார்க்கப்பட்டது. ஆனால் அஜித் சமீபத்தில் தனது பேட்டியில் ஜனவரி மாதம் தான் AK64 திரைப்படத்தின் அறிவிப்பு வரும் என சொல்லியிருக்கின்றார். எனவே AK64 திரைப்படத்தின் டைட்டில் போஸ்டர் எப்போது வெளியாகும் என்பது அஜித் ரசிகர்கள் மத்தியில் மிகப்பெரிய கேள்வியாக இருந்து வருகின்றது என்பது குறிப்பிடத்தக்கது.