எனக்கு பிடித்தவர்களுடன் நடந்த சின்ன குத்தாட்டம்- திரிஷாவின் பதிவு!
- Muthu Kumar
- 08 Sep, 2024
நடிகை திரிஷா ஏகப்பட்ட படங்களில் நடித்து மீண்டும் பிஸியான நடிகையாக மாறியுள்ளார். அந்த வகையில் சிரஞ்சீவி நடிப்பில் உருவாகி வரும் விஷ்வம்பரா, டோவினோ தாமஸ் நடிப்பில் உருவாகும் ஐடெண்டிட்டி என பல படங்களை கைவசம் வைத்துள்ளார்.
கடைசியாக இவரது நடிப்பில் உருவாகி இருந்த பிருந்தா எனும் வெப் தொடர் ஓடிடியில் வெளியாகி பெரும் வரவேற்பை பெற்றது. அடுத்ததாக இவர் அஜித் நடிப்பில் உருவாகும் விடாமுயற்சி திரைப்படத்தில் கதாநாயகியாக நடித்து வருகிறார். இதற்கிடையில் தான் விஜய் நடிப்பில் உருவாகியிருந்த கோட் திரைப்படத்தில் பாடல் ஒன்றுக்கு நடனமாடியிருந்தார் திரிஷா.
கடந்த செப்டம்பர் 5ஆம் தேதி மிகுந்த எதிர்பார்ப்புடன் வெளியான கோட் திரைப்படத்தை காண ஆவலுடன் திரண்டு வந்த ரசிகர்கள் திரையின் திரிஷாவை கண்டதும் மிகுந்த உற்சாகத்துடன் ஆரவாரம் எழுப்பினர். எனவே கோட் படத்தின் திரிஷா நடனமாடிய மட்ட பாடல் இணையத்தில் பகிரப்பட்டு வருகிறது. கில்லி படத்தில் அப்படி போடு பாடலின் ஸ்டெப்பை ரீ-கிரியேட் செய்திருந்தனர். ரசிகர்களுக்கு அது இன்னும் உற்சாகத்தை தந்தது. இந்நிலையில் நடிகை திரிஷா இது தொடர்பாக தனது இன்ஸ்டாகிராம் பக்கத்தில் மட்ட பாடலின் புகைப்படங்களை வெளியிட்டு, “கடந்த மார்ச் 5ஆம் தேதி எனக்கு பிடித்தவர்களுடன் நடந்த சின்ன குத்தாட்டம்” என்று பதிவிட்டுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
