இசைஞானியின் இசைத்தொண்டு காலங்களைக் கடந்து தொடர வேண்டும் - அன்புமணி வாழ்த்து
- Surendran Sumdraraj
- 02 Jun, 2026
சென்னை, ஜூன் 2-
இசைஞானி இளையராஜாவின் பிறந்தநாளை முன்னிட்டு பா.ம.க. தலைவர் அன்புமணி ராமதாஸ் வாழ்த்து தெரிவித்துள்ளார். இளையராஜாவின் இசைத்தொண்டு காலங்களைக் கடந்து தொடர்ந்து மக்களை மகிழ்விக்க வேண்டும் என்றும் அவர் தனது வாழ்த்து செய்தியில் குறிப்பிட்டுள்ளார்.
இதுதொடர்பாக அன்புமணி ராமதாஸ் வெளியிட்டுள்ள வாழ்த்து செய்தியில், தமிழ் மக்களின் இதயங்களில் அரை நூற்றாண்டுக்கும் மேலாக இசையால் ஆட்சி செய்து வரும் உலகின் தலைசிறந்த இசையமைப்பாளர்களில் ஒருவரான இளையராஜாவுக்கு தனது மனமார்ந்த வாழ்த்துகளைத் தெரிவித்தார். மேலும், இசைச்சக்கரவர்த்தியான இளையராஜா நூற்றாண்டு காலம் ஆரோக்கியத்துடன் வாழ வேண்டும் என்றும் அவர் பிரார்த்தித்தார்.
ஆயிரத்திற்கும் மேற்பட்ட திரைப்படங்களுக்கு இசையமைத்து இந்திய இசைத்துறையில் தனக்கென அழியாத முத்திரையைப் பதித்துள்ள இளையராஜாவின் பங்களிப்பு ஒப்பற்றது என்றும் அன்புமணி பாராட்டினார். மகிழ்ச்சி, சோகம், வெற்றி, தோல்வி என மனித வாழ்க்கையின் அனைத்து தருணங்களிலும் இளையராஜாவின் இசை மக்களுக்கு துணையாக இருந்து வருவதாகவும் அவர் குறிப்பிட்டார்.
Leave a Reply
Your email address will not be published. Required fields are marked *
தேடல்
செய்தி வகை
