நெகிரி செம்பிலான் புதிய ஆட்சிக்குழுவில் இணையலாமா? – ஜலாலுடின் அலியாஸிடமே முடிவு ஒப்படைத்த முதலமைச்சர்
- Surendran Sumdraraj
- 04 Aug, 2026
சிரம்பான், ஆக. 4-
நெகிரி செம்பிலான் மாநிலத்தின் புதிய நிர்வாக அமைப்பில் இடம்பெறவுள்ள மாநில செயற்குழு உறுப்பினர்கள் தொடர்பாக முக்கிய அறிவிப்பு வெளியாகியுள்ளது. மாநில முதலமைச்சர் டத்தோக் இஸ்மாயில் லாசிம், நெகிரி செம்பிலான் அம்னோ தலைவர் டத்தோஸ்ரீ ஜலாலுடின் அலியாஸ் புதிய எக்ஸ்கோவில் இணைய வேண்டுமா என்பது அவரது சொந்த முடிவு என தெரிவித்துள்ளார்.
இதுகுறித்து செய்தியாளர்களிடம் பேசிய அவர், ஜலாலுடின் அலியாஸ் தற்போது ஜெலுபு நாடாளுமன்ற உறுப்பினராகவும், பெர்தாங் சட்டமன்ற உறுப்பினராகவும் பொறுப்பு வகித்து வருவதால், எக்ஸ்கோவில் இணைவது குறித்து முடிவு எடுக்கும் முழு உரிமையும் அவருக்கே உள்ளது என்றார்.
மேலும், இதுவரை ஜலாலுடின் அலியாஸுடன் இது தொடர்பாக விரிவான ஆலோசனை எதுவும் நடைபெறவில்லை என்றும் இஸ்மாயில் லாசிம் கூறினார். “இதுவரை அவருடன் விரிவாக எந்த விவாதமும் நடத்தப்படவில்லை. அவர் நாடாளுமன்ற உறுப்பினராகவும், சட்டமன்ற உறுப்பினராகவும் உள்ளதால், எக்ஸ்கோவில் சேர வேண்டுமா என்பது அவரது தனிப்பட்ட முடிவாகும்,” என்று அவர் தெரிவித்தார்.
Leave a Reply
Your email address will not be published. Required fields are marked *
தேடல்
செய்தி வகை
