உலகக் கோப்பையில் அதிக கோல் உதவி; மெஸ்சி புதிய சாதனை

கன்சாஸ் சிட்டி, ஜூலை 13-

உலகக் கோப்பை காலிறுதி ஆட்டத்தில் அர்ஜெண்டினா அணி சுவிட்சர்லாந்தை 3-1 என்ற கோல் கணக்கில் வீழ்த்தி அரையிறுதிக்கு முன்னேறியது.

இந்த ஆட்டத்தில் கோல் அடிக்க முடியவில்லை என்றாலும், அர்ஜெண்டினா அணித் தலைவர் லயனல் மெஸ்சி புதிய வரலாறு படைத்தார்.

39 வயதான மெஸ்சி, ஆட்டத்தின் 10-ஆவது நிமிடத்தில் கிடைத்த கார்னர் கிக் வாய்ப்பில் அலெக்சிஸ் மேக் அலிஸ்டருக்குக் கோல் உதவி செய்தார்.

இதன் மூலம், உலகக் கோப்பை வரலாற்றில் தனது 10-ஆவது கோல் உதவியைப் பதிவு செய்த மெஸ்சி, இந்த தொடரில் அதிக கோல் உதவி செய்த வீரராகச் சாதனை படைத்தார்.

இதற்கு முன்பு மேற்கு ஜெர்மனி அணியின் முன்னாள் வீரர் பிரிட்ஸ் வால்டர் 9 கோல் உதவிகளுடன் சாதனைப் பட்டியலில் முன்னிலையில் இருந்தார்.

அவரை முந்திய மெஸ்சி, உலகக் கோப்பை வரலாற்றில் மேலும் ஒரு முக்கியமான சாதனையைத் தனது பெயரில் பதிவு செய்துள்ளார்.

Your email address will not be published. Required fields are marked *

தேடல்