தாராபுரத்தில் மு.க.ஸ்டாலின் ரோடு ஷோ: மக்கள் உற்சாக வரவேற்பு
- Surendran Sumdraraj
- 02 Oct, 2026
தாராபுரம், அக். 2 –
தாராபுரம் (தனி) சட்டமன்றத் தொகுதி இடைத்தேர்தலை முன்னிட்டு, தி.மு.க. தலைவர் மு.க.ஸ்டாலின் இன்று தீவிர பிரசாரத்தில் ஈடுபட்டார். தி.மு.க. சார்பில் போட்டியிடும் வேட்பாளர் சுகன்யாவை ஆதரித்து அவர் நடத்திய ரோடு ஷோவுக்கு கட்சித் தொண்டர்களும் பொதுமக்களும் உற்சாக வரவேற்பு அளித்தனர்.
தாராபுரம் அமராவதி சிலை பகுதியில் இருந்து தொடங்கிய ரோடு ஷோ, பொள்ளாச்சி சாலை மற்றும் பெரியகடை வீதி உள்ளிட்ட முக்கிய பகுதிகள் வழியாக சென்றது. அப்போது சாலையின் இருபுறமும் திரண்டிருந்த தொண்டர்கள் மற்றும் பொதுமக்கள் மு.க.ஸ்டாலினை வரவேற்றனர்.
ரோடு ஷோவின்போது பொதுமக்கள் மு.க.ஸ்டாலினுக்கு புத்தகங்கள், பூங்கொத்துகள் மற்றும் சால்வைகளை அன்பளிப்பாக வழங்கினர். அவரும் வழிநெடுக மக்களை சந்தித்து அவர்களுடன் கலந்துரையாடினார்.
இதனைத் தொடர்ந்து, பெரியகடை வீதி பகுதியில் உள்ள கடைகளுக்கு நேரில் சென்ற மு.க.ஸ்டாலின், அங்கிருந்த வியாபாரிகள் மற்றும் பொதுமக்களிடம் தி.மு.க. வேட்பாளர் சுகன்யாவுக்கு ஆதரவாக வாக்குச் சேகரித்தார். அப்போது பலரும் அவருடன் புகைப்படம் எடுத்துக்கொண்டனர்.
தாராபுரம் இடைத்தேர்தலை முன்னிட்டு அரசியல் கட்சிகளின் பிரசாரம் தீவிரமடைந்துள்ள நிலையில், மு.க.ஸ்டாலினின் இந்த ரோடு ஷோ அப்பகுதியில் கவனம் பெற்றுள்ளது.
Leave a Reply
Your email address will not be published. Required fields are marked *
தேடல்
செய்தி வகை
