• Shan Siva
• 20 Nov, 2024

கோலாலம்பூர், நவம்பர் 20: குறுகிய கால வருகையாக மலேசியாவுக்கு வருகை மேற்கொண்டுள்ள தமிழக பாரதிய ஜனதா கட்சியின் மாநிலச் செயலாளரும், முன்னாள் மேயருமான கராத்தே தியாகராஜன், இன்று  மலேசிய அரிமா சங்கத்தின் தோற்றுநரும், ஓம்ஸ் அறவாரியத்தின் தலைவருமான  ஓம்ஸ் பா.தியாகராஜனை மரியாதை நிமித்தமாகச் சந்தித்தார்.

தமிழ் மலர் அலுவலகத்திற்கு வருகை தந்த கராத்தே தியாகராஜனை மாலை அணிவித்து பொன்னாடை போர்த்தி ஓம்ஸ் பா.தியாகராஜன் வரவேற்றார்.

சமுதாயத்தின் மதிப்பு மிக்க ஒரு தலைவரைச் சந்தித்ததில் மகிழ்ச்சியடைகிறேன் என்று குறிப்பிட்ட கராத்தே தியாகராஜன், சமயம் தொடர்பாகவும், கல்விக்காகவும் தொண்டு செய்யும் ஐயாவின் சேவை மென்மேலும் தொடர வேண்டும் என தெரிவித்தார்!