‘நீட்’ வினாத்தாள் கசிவு: குற்றவாளிகளுக்குக் கடும் தண்டனை விதிக்கும் மசோதா இன்று நாடாளுமன்றத்தில் தாக்கல்
- Surendran Sumdraraj
- 27 Jul, 2026
புதுடெல்லி, ஜூலை 27-
‘நீட்’ உள்ளிட்ட பொதுத் தேர்வுகளின் வினாத்தாள் கசிவு மற்றும் திட்டமிட்ட தேர்வு முறைகேடுகளைத் தடுக்க, குற்றவாளிகளுக்கு கடுமையான தண்டனைகளை விதிக்கும் வகையிலான திருத்த மசோதாவை மத்திய அரசு இன்று நாடாளுமன்றத்தில் தாக்கல் செய்ய உள்ளது.
இந்த மசோதா, தற்போது நடைமுறையில் உள்ள பொதுத் தேர்வுகள் (முறைகேடுகளைத் தடுக்கும்) சட்டம், 2024-இல் திருத்தங்களை மேற்கொள்ளும் வகையில் வடிவமைக்கப்பட்டுள்ளது. வினாத்தாள் கசிவில் ஈடுபடுபவர்கள், அதை ஒருங்கிணைக்கும் கும்பல்கள் மற்றும் அதற்கு உடந்தையாக செயல்படும் நிறுவனங்கள் மீது அதிகபட்சமாக 10 ஆண்டுகள் வரை சிறைத்தண்டனை மற்றும் ரூ.10 கோடி வரை அபராதம் விதிக்கும் வகையில் புதிய விதிகள் இடம்பெற்றுள்ளன. மேலும், இவ்வழக்குகளை விரைந்து விசாரிக்க சிறப்பு விரைவு நீதிமன்றங்களை அமைக்கும் ஏற்பாடுகளும் மசோதாவில் இடம்பெற்றுள்ளன.
‘நீட்’ தேர்வு வினாத்தாள் கசிவு தொடர்பாக நாடு முழுவதும் எழுந்த சர்ச்சை மற்றும் மாணவர்களின் எதிர்ப்பைத் தொடர்ந்து, தேர்வு முறையின் நம்பகத்தன்மையை வலுப்படுத்த இந்த நடவடிக்கையை மத்திய அரசு மேற்கொண்டுள்ளது. இனி பொதுத் தேர்வுகளில் நடைபெறும் ஒழுங்கீனங்களைத் தடுப்பதுடன், குற்றவாளிகள் மீது விரைவான சட்ட நடவடிக்கை எடுப்பதற்கும் இந்த மசோதா வழிவகுக்கும் என்று அரசு தரப்பில் தெரிவிக்கப்பட்டுள்ளது.
Leave a Reply
Your email address will not be published. Required fields are marked *
தேடல்
செய்தி வகை
