ரூபன் அமோரிம் பதவி நீக்கம்
- Tamil Malar (Reporter)
- 06 Jan, 2026
லண்டன், ஜன. 6-
மான்செஸ்டர் யுனைடெட் , போர்த்துகல் நாட்டைச் சேர்ந்த பயிற்சியாளர் ரூபன் அமோரிமை நேற்று பதவி நீக்கம் செய்துள்ளது. அவர் நியமிக்கப்பட்டு வெறும் 14 மாதங்களே ஆன நிலையில் இந்த அதிரடி முடிவு எடுக்கப்பட்டுள்ளது.
அமோரிம் ஓல்ட் டிராபோர்டை விட்டு வெளியேறும் போது, இங்கிலீஷ் பிரீமியர் லீக் (EPL) ஜாம்பவான் கிளப் ஆறாவது இடத்தில் தத்தளித்து வருகிறது. கடந்த ஞாயிறு லீட்ஸுக்கு எதிரான ஆட்டத்தில் ஏமாற்றமளிக்கும் 1-1 சமநிலைக்குப் பிறகு, வொல்வ்ஸ் போன்ற பட்டியலில் கீழ் இடத்தில் உள்ள அணிக்கு எதிராக 1-1 என சமன் செய்தது அமோரிமின் கடைசி போட்டியாக அமைந்தது.
40 வயதான அமோரிம், 2013இல் சர் அலெக்ஸ் பெர்குசன் ஓய்வு பெற்ற பிறகு யுனைடெட்டை பயிற்சித்த ஏழு பயிற்சியாளர்களில் மிகக் குறைந்த வெற்றி சதவீதம் (31.9%) கொண்டவராக பதிவாகியுள்ளார்.
இந்த பதவி நீக்கம், கிளப்பின் உயர் நிர்வாகத்துடன் அமோரிம் இடையே கடந்த சில நாட்களாக அதிகரித்து வந்த பதற்றத்தின் விளைவாக கூறப்படுகிறது. குறிப்பாக கால்பந்து இயக்குநர் ஜேசன் வில்காக்ஸுடனான மோதல் முக்கிய காரணம் என தெரிகிறது.
Leave a Reply
Your email address will not be published. Required fields are marked *
தேடல்
செய்தி வகை
