ஹாலண்டின் இரட்டை கோல்; செனகலை 3-2 என வீழ்த்தியது நார்வே
- Surendran Sumdraraj
- 23 Jun, 2026
நியூ ஜெர்சி, ஜூன் 22 –
2026 உலகக் கோப்பை கால்பந்து தொடரின் ‘குரூப் ஐ’ பிரிவு ஆட்டத்தில் எர்லிங் ஹாலண்டின் அபார ஆட்டத்தால் நார்வே அணி செனகலை 3-2 என்ற கோல் கணக்கில் வீழ்த்தி முக்கியமான வெற்றியைப் பதிவு செய்தது.
அமெரிக்காவின் நியூ ஜெர்சி மாநிலத்தில் உள்ள மெட்லைஃப் மைதானத்தில் நடைபெற்ற இந்தப் போட்டியில், நார்வே அணி முதல் பாதியின் இறுதியில் முன்னிலை பெற்றது. 43-ஆவது நிமிடத்தில் மார்கஸ் ஹோல்ம்கிரென் பெடர்சன் கோல் அடித்து அணியை 1-0 என்ற கணக்கில் முன்னிலைக்குக் கொண்டு சென்றார்.
இடைவேளைக்குப் பிறகு நார்வே நட்சத்திர வீரர் எர்லிங் ஹாலண்ட் தனது கோல் வேட்டையைத் தொடங்கினார். 48-ஆவது நிமிடத்தில் கோல் அடித்த அவர், 58-ஆவது நிமிடத்தில் மேலும் ஒரு கோலை பதிவு செய்து நார்வேயின் முன்னிலையை 3-0 ஆக உயர்த்தினார்.
எனினும், செனகல் அணி கடைசி வரை போராடியது. 53-ஆவது நிமிடத்தில் இஸ்மாயிலா சார்ர் ஒரு கோல் அடித்து செனகலின் கணக்கைத் தொடங்கினார். பின்னர் கூடுதல் நேரத்தின் மூன்றாவது நிமிடத்தில் மீண்டும் கோல் அடித்த அவர், தோல்வி வித்தியாசத்தை குறைத்தார்.
ஆனால் அந்த முயற்சி செனகலுக்கு வெற்றியை பெற்றுத் தர போதுமானதாக இல்லை. இறுதியில் நார்வே 3-2 என்ற கோல் கணக்கில் வெற்றி பெற்றது.
Leave a Reply
Your email address will not be published. Required fields are marked *
தேடல்
செய்தி வகை
