செயற்கை போதையில் சிக்கும் இளைஞர்கள்! - அரசு கவலை
- Shan Siva
- 28 Jun, 2026
கோலாலம்பூர், ஜூன் 28: மலேசியாவில் நடக்கும் அனைத்து போதைப்பொருள் துஷ்பிரயோக வழக்குகளிலும் 73% செயற்கை போதைப்பொருட்களால் ஏற்படுகின்றன என்று தெரிவிக்காட்டுள்ளது. இதில், ஷயாபு , யாபா மற்றும் எக்ஸ்டஸி போன்ற ஆம்பெட்டமைன் வகை ஊக்கமருந்துகளே (ATS) பெரும்பாலான வழக்குகளுக்குக் காரணமாக அமைகின்றன என்று தேசிய போதைப்பொருள் தடுப்பு முகமை (AADK) தெரிவித்துள்ளது.
நாட்டிலேயே கிழக்குக் கடற்கரை மாநிலங்களில் செயற்கை போதைப்பொருள் துஷ்பிரயோகம், குறிப்பாக யாபா பயன்பாடு, தொடர்ந்து அதிக அளவில் பதிவாகி வருவதாக AADK-வின் தலைமை இயக்குநர் டத்தோ ரஸ்லின் ஜூசோ கூறினார். இளம் மலேசியர்களிடையே செயற்கைப் பொருட்களின் பயன்பாடு அதிகரித்து வருவதாகவும் அந்த அமைப்பு எச்சரித்தது. 15 முதல் 39 வயதுக்குட்பட்ட இளைஞர்கள் அனைத்து செயற்கை போதைப்பொருள் பயனாளர்களில் 84% ஆக உள்ளனர், மேலும் இந்த எண்ணிக்கை தொடர்ந்து அதிகரித்து வருகிறது.
இளைஞர்களை செயற்கை போதைப்பொருட்களைப் பயன்படுத்தத் தூண்டும் மிகப்பெரிய காரணியாக சக வயதினரின் செல்வாக்கு நீடிக்கிறது என்று ருஸ்லின் கூறினார்.
இந்த போதைப்பொருட்கள் எளிதில் கிடைக்கக்கூடியவை மற்றும் பாரம்பரிய போதைப்பொருட்களை விட மிக வேகமாக போதையை உண்டாக்குகின்றன, இதனால் பயன்படுத்துபவர்கள் கிட்டத்தட்ட உடனடியாக போதையை அடைய முடிகிறது என்று அவர் கூறினார்.
சமூக அழுத்தம் தவிர, குடும்பப் பிரச்சினைகள், வீட்டுச் சண்டைகள் மற்றும் உறவுச் சிக்கல்களும் இதற்குக் காரணமாகின்றன என்றும், சிலர் மன உளைச்சல் மற்றும் பதட்டத்தைச் சமாளிக்கும் ஒரு வழியாக போதைப்பொருட்களை நாடுகின்றனர் என்றும் ருஸ்லின் கூறினார்.
பாரம்பரியமாக ஹெராயின், மார்ஃபின் மற்றும் கஞ்சா பயன்படுத்துபவர்கள் மீது தனது சிகிச்சை மற்றும் மறுவாழ்வு முயற்சிகளை மையப்படுத்தி வந்த AADK-க்கு, செயற்கை போதைப்பொருட்களின் அதிகரித்து வரும் பரவல் புதிய சவால்களை உருவாக்கியுள்ளது என்று அவர் கூறினார்!
Leave a Reply
Your email address will not be published. Required fields are marked *
தேடல்
செய்தி வகை
