• Shan Siva
• 23 Nov, 2024

கோலாலம்பூர், நவம்பர் 23: நவம்பர் 30 முதல் சீனாவிற்குள் நுழையும் மலேசியர்கள் தற்போது 15 நாட்கள் முதல் 30 நாட்கள் வரை விசா இல்லாமல் தங்கலாம் என்று தெரிவிக்கப்பட்டுள்ளது.

வெள்ளிக்கிழமை (நவம்பர் 22) அதிகாரப்பூர்வ சீன தூதரக பேஸ்புக் பக்கத்தில் வெளியிடப்பட்ட அறிக்கையில், இந்த நடவடிக்கை நவம்பர் 30 நள்ளிரவு முதல் 2025 டிசம்பர் 31 நள்ளிரவு வரை தொடங்கும் என்று தெரிவிக்கப்பட்டுள்ளது.

இந்த ஆண்டு மே 31 அன்று, துணைப் பிரதமர் டத்தோஸ்ரீ டாக்டர் அஹ்மட் ஜாஹிட் ஹமிடி, மலேசிய சுற்றுலாப் பயணிகளுக்கான விசா விலக்கை 15 முதல் 30 நாட்களுக்கு நீட்டிக்க சீனா ஒப்புக்கொண்டதாகக் கூறியிருந்தார் என்பது குறிப்பிடத்தக்கது!