திரெங்கானுவில் ஆம்புலன்ஸில் மோதி சிறுவன் பலி!
- Shan Siva
- 16 Jun, 2026
கோலாலம்பூர்,
ஜூன் 16: நேற்று மாலை
சுமார் 6.50 மணியளவில் கோலா திரெங்கானுவில் உள்ள ஜாலான் காம்போங் தெபாக்
சாலையில், 14 வயது சிறுவன்
ஒருவன் ஓட்டிச் சென்ற மோட்டார் சைக்கிள் ஆம்புலன்ஸ் மீது மோதியதில் அவன்
உயிரிழந்தான்.
பாதிக்கப்பட்ட
ஃபாரிஸ் தாசுகி போகைரி என்ற அச்சிறுவன், தலையில் ஏற்பட்ட
பலத்த காயங்களால் சம்பவ இடத்திலேயே உயிரிழந்தான்.
கோல திரெங்கானு
காவல்துறைத் தலைவர் உதவி ஆணையர் அஸ்லி முகமது நூர் இந்தச் சம்பவத்தை
உறுதிப்படுத்தியதாகக் கூறப்படுகிறது. அந்தச் சிறுவன், பத்து ஏனாமில் இருந்து கம்போங் புக்கிட் துங்காலில் உள்ள
தனது வீட்டிற்கு மோட்டார் சைக்கிளில் சென்று கொண்டிருந்ததாக அவர் கூறினார்.
முதற்கட்ட
விசாரணையில், எதிர் திசையில்
வந்த ஆம்புலன்ஸ் ஒன்று, ஒரு சந்திப்பில்
வலதுபுறம் திரும்பியபோது, மோட்டார்
சைக்கிள் அந்த வாகனத்தின் முன்பக்க வலது பக்கத்தில் மோதியதாக நம்பப்படுகிறது.
இந்த மோதலில்
மோட்டார் சைக்கிளின் முன்பகுதி பலத்த சேதமடைந்தது, அதே நேரத்தில் ஆம்புலன்ஸின் முன்பக்க வலது பக்கமும்
சேதமடைந்தது.
ஆம்புலன்ஸ்
ஓட்டுநர் மற்றும் முன்பக்கப் பயணி ஆகியோர் காயமின்றி தப்பியதாக காவல்துறை
தெரிவித்துள்ளது.
சோதனையில் அந்த
இளைஞனிடம் ஓட்டுநர் உரிமம் இல்லை என்பதும் கண்டறியப்பட்டதாக அஸ்லி கூறினார்!
Leave a Reply
Your email address will not be published. Required fields are marked *
தேடல்
செய்தி வகை
