உலகக் கோப்பை தங்கக் காலணியை வெல்லப்போவது யார்?
- Surendran Sumdraraj
- 20 Jun, 2026
பாக்ஸ்பரோ, ஜூன் 20 –
2026 உலகக் கோப்பை கால்பந்து தொடரில் அதிக கோல்கள் அடிக்கும் வீரருக்கான ‘தங்கக் காலணி’ (Golden Boot) விருதுக்கான போட்டி இந்த முறை மிகவும் கடுமையாக இருக்கும் என கால்பந்து நிபுணர்கள் கணித்துள்ளனர்.
கடந்த உலகக் கோப்பை தொடரில் 8 கோல்கள் அடித்து தங்கக் காலணியை வென்ற பிரான்ஸ் நட்சத்திரம் கிலியன் எம்பாப்பே, 2018 தொடரில் 6 கோல்கள் அடித்து சாதனை படைத்த இங்கிலாந்து கேப்டன் ஹாரி கேன் மற்றும் 2014 உலகக் கோப்பையில் 6 கோல்கள் அடித்த கொலம்பியாவின் ஜேம்ஸ் ரோட்ரிக்ஸ் ஆகியோர் மீண்டும் கவனத்தை ஈர்த்துள்ளனர்.
குறிப்பாக எம்பாப்பே மற்றும் கேன் ஆகியோர் இந்த ஆண்டும் அதிக கோல்கள் அடிக்கும் வீரர்களாக உருவெடுக்கலாம் என விளையாட்டு ஆய்வாளர்கள் கருதுகின்றனர். அவர்களுடன் உலகின் முன்னணி ஸ்டிரைக்கர்களில் ஒருவராக திகழும் நோர்வே வீரர் எர்லிங் ஹாலண்டும் தனது முதல் உலகக் கோப்பை தோற்றத்தில் முத்திரை பதிக்க தயாராக உள்ளார்.
அதேபோல், அர்ஜென்டினா ஜாம்பவான் லியோனல் மெஸ்சி, பிரேசில் நட்சத்திரம் வினிசியஸ் ஜூனியர், ஸ்பெயின் அணியின் லமின் யாமல் மற்றும் மிக்கேல் ஒயர்சாபல் ஆகியோரும் தங்கக் காலணி விருதுக்கான முக்கிய போட்டியாளர்களாகப் பார்க்கப்படுகின்றனர்.
Leave a Reply
Your email address will not be published. Required fields are marked *
தேடல்
செய்தி வகை
