எதிர்மறை பார்வையைச் செயல்பாடுகள் மூலமே மாற்ற முடியும் – எஸ்பிஆர்எம் தலைவர்
- Surendran Sumdraraj
- 29 Jul, 2026
கோலாலம்பூர், ஜூலை 29-
மலேசிய ஊழல் தடுப்பு ஆணையத்தின் (SPRM) தலைமை ஆணையர் டத்தோ ஸ்ரீ அப்துல் ஹலிம் அமான், அந்த அமைப்பின் தலைமை மாற்றப்பட்டாலும் அதன் மீதான பொதுமக்களின் கருத்து மற்றும் எதிர்மறை பார்வை உடனடியாக மறைந்து விடாது என்று தெரிவித்துள்ளார்.
அனைத்து தரப்பினரையும் திருப்திப்படுத்துவது எஸ்பிஆர்எம்-க்கு சாத்தியமற்ற ஒன்று என்றும், அதன் செயல்திறன் மற்றும் நம்பகத்தன்மையை அதிகாரிகள் மேற்கொள்ளும் நடவடிக்கைகள், விசாரணைகள் மற்றும் பெறப்படும் முடிவுகள் மூலமாகவே நிரூபிக்க முடியும் என்று அவர் வலியுறுத்தினார்.
சில தரப்பினர் அதிருப்தியின் காரணமாக எஸ்பிஆர்எம் குறித்து எதிர்மறையான கருத்துகளை உருவாக்க முயற்சிக்கலாம் என்றும், அதனை அமைப்பு தனது பணியில் வெளிப்படைத்தன்மை, நேர்மை மற்றும் தொழில்முறை அணுகுமுறை மூலம் எதிர்கொள்ளும் என அவர் தெரிவித்தார்.
ஊழலை ஒழிக்கும் பணியில் பொதுமக்களின் நம்பிக்கையை நிலைநிறுத்துவது மிகவும் முக்கியமானது என்றும், சட்டத்தைப் பாரபட்சமின்றி அமல்படுத்துவதே எஸ்பிஆர்எம் தொடர்ந்து கடைப்பிடிக்கும் அடிப்படைக் கொள்கையாக இருக்கும் என்றும் அப்துல் ஹலிம் அமான் குறிப்பிட்டார்.
Leave a Reply
Your email address will not be published. Required fields are marked *
தேடல்
செய்தி வகை
