இந்தோனேசியாவில் ரிக்டர் 5.9 அளவில் சக்திவாய்ந்த நிலநடுக்கம்
- Surendran Sumdraraj
- 05 Oct, 2026
ஜகார்த்தா, அக். 5 –
இந்தோனேசியாவின் சும்பாவா தீவுப் பகுதியில் ரிக்டர் அளவுகோலில் 5.9 ஆக பதிவான சக்திவாய்ந்த நிலநடுக்கம் ஏற்பட்டது. அதிகாலை நேரத்தில் ஏற்பட்ட இந்த நிலநடுக்கம் காரணமாக அப்பகுதி மக்கள் பெரும் அதிர்ச்சியடைந்தனர்.
ஜெர்மன் புவி அறிவியல் ஆராய்ச்சி மையம் வெளியிட்ட தகவலின்படி, இந்த நிலநடுக்கம் பூமியின் அடியில் சுமார் 10 கிலோமீட்டர் ஆழத்தில் மையம் கொண்டிருந்தது. நில அதிர்வு பல பகுதிகளில் தெளிவாக உணரப்பட்டதாக தெரிவிக்கப்பட்டுள்ளது.
நிலநடுக்கத்தின் தாக்கத்தால் வீடுகள், கடைகள் மற்றும் பல்வேறு கட்டிடங்கள் கடுமையாகக் குலுங்கின. இதனால் அச்சமடைந்த பொதுமக்கள் தங்கள் வீடுகளை விட்டு வெளியேறி, வீதிகள் மற்றும் திறந்த வெளிப் பகுதிகளில் தஞ்சமடைந்தனர். சில நிமிடங்கள் நீடித்த அதிர்வால் அப்பகுதியில் பதற்றமான சூழல் நிலவியது.
எனினும், இந்த நிலநடுக்கத்தால் உயிரிழப்புகள் எதுவும் பதிவாகவில்லை என்று அதிகாரிகள் தெரிவித்துள்ளனர். பெரிய அளவிலான சேதங்கள் குறித்த தகவல்களும் இதுவரை வெளியாகவில்லை.
Leave a Reply
Your email address will not be published. Required fields are marked *
தேடல்
செய்தி வகை
