பெர்சாமாவில் அதிகரிக்கும் விண்ணப்பங்கள்! ரஃபிஸி ரம்லி விளக்கம்

Shan Siva
12 Aug, 2026

கோலாலம்பூர், ஆக 12: நெகிரி செம்பிலான் தேர்தலில் பாரிசான் நேஷனல்-பெரிகாத்தான் கூட்டணியிடம் பக்கத்தான் ஹரப்பான் தோல்வியடைந்த நிலையில், பெர்சாமா கட்சியின் உறுப்பினர் விண்ணப்பங்கள் அதிகரித்துள்ளதாகத் தெரிவிக்கப்பட்டுள்ளது.

பெர்சாமா கட்சியில் தற்போது சுமார் 29,200 உறுப்பினர்கள் உள்ளனர் என்றும், அதன் புதிய உறுப்பினர்களில் பெரும்பாலானோர் இதற்கு முன்பு எந்த அரசியல் கட்சியுடனும் தொடர்பில்லாமல் இருந்தவர்கள் என்றும் கட்சித் தலைவர் ரஃபிஸி ராம்லி கூறினார்.

பெர்சாமா உறுப்பினர்களில் 60% பேர் இதற்கு முன்பு எந்த அரசியல் கட்சியிலும் சேர்ந்ததில்லை என்றும், கட்சியின் தினசரி உறுப்பினர் விண்ணப்பங்களில் பெரும்பாலானவை இந்தப் பிரிவினரிடமிருந்தே தொடர்ந்து வருகின்றன என்றும் ரஃபிஸி கூறினார்.

ஆகஸ்ட் 1 அன்று நெகிரி செம்பிலான் தேர்தலில் பக்காத்தான் ஹராப்பான் தோல்வியடைந்த பிறகு, பெர்சாமா உறுப்பினர்களாவதற்கான விண்ணப்பங்களில் கணிசமான அதிகரிப்பைக் கண்டதாக அவர் கூறினார்.

கடந்த வார நிலவரப்படி, பெர்சாமாவின் உறுப்பினர்களில் 25% பேர் பிகேஆர் முன்னாள் உறுப்பினர்கள் என்று அவர் இன்று பூச்சோங், தமான் புத்ரா பெர்டானாவில் உள்ள பெர்சாமாவின் தலைமையகத்தில் நடந்த செய்தியாளர் சந்திப்பில் கூறினார்.

மீதமுள்ள 15% பெர்சாமா உறுப்பினர்கள் மற்ற கட்சிகளிலிருந்தும், முக்கியமாக மலாய் அடிப்படையிலான அமைப்புகளிலிருந்தும் வந்தவர்கள் என்று அவர் கூறினார்.

பெர்சாமாவின் உறுப்பினர்களில் 1%க்கும் குறைவானவர்களே டிஏபி முன்னாள் உறுப்பினர்கள் என்று ரஃபிஸி கூறினார்.

பிகேஆரின் முன்னாள் சுபாங் நாடாளுமன்ற உறுப்பினர் வோங் சென் அவர்களைப் பின்பற்றி மேலும் பல நாடாளுமன்ற உறுப்பினர்கள் பெர்சாமாவில் இணைவார்களா என்று கேட்டதற்கு, அவர்களுக்காக தன்னால் பேச முடியாது என்று ரஃபிஸி கூறினார்.

சுபாங் நாடாளுமன்ற உறுப்பினர் பதவியை ராஜினாமா செய்து இரண்டு நாட்களுக்குப் பிறகு, பிகேஆரிலிருந்து விலகிய வோங், இன்று பெர்சாமாவில் இணைந்தார்!

Your email address will not be published. Required fields are marked *

முக்கிய செய்தி