தடுப்புக் காவலை மீறிச் சென்ற நபரால் போக்குவரத்து காவலருக்கு கை – கால் முறிவு!
.jpg)
- Shan Siva
- 24 Sep, 2026
கோலாலம்பூர், செப் 24: இன்று காலை ஈப்போவில் உள்ள ஜாலான் சிலிபின் சாலையில், சோதனைச் சாவடியைத் தாண்டிச் செல்ல முயன்ற ஒருவர் தனது வாகனத்தை மோதியதில், போக்குவரத்து காவலர் ஒருவருக்கு இடது கையும் வலது காலும் முறிந்தன.
காலை 9.45 மணியளவில் நடந்த இந்தச் சம்பவத்தில், சோதனைச் சாவடியில் வாகனத்தை நிறுத்துமாறு
காவலர் ஒருவர் ஓட்டுநருக்கு உத்தரவிட்டார், ஆனால் அந்த ஓட்டுநர் மறுத்துவிட்டு வேகமாகச் சென்றார் என்று
ஈப்போ காவல்துறைத் தலைவர் நஜிப் ஹம்சா கூறினார்.
பணியில் இருந்த
காவலர் விபத்தில் சிக்காமல் தப்பிவிட்டார். பின்னர், மற்ற மூன்று போக்குவரத்து காவலர்கள் அவரைத் துரத்திச்
சென்றனர்.
பேராக் மாநில
செயலகக் கட்டிடத்திற்கு அருகிலுள்ள போக்குவரத்து சிக்னலை அடைந்ததும், சந்தேக நபர் இடதுபுறப் பாதைக்குள் நுழைந்து,
திடீரென யூ-டர்ன் அடித்து ஒரு போக்குவரத்து
காவலர் மீது மோதியதாக அவர் கூறினார்.
பின்னர், சந்தேக நபர் எதிர் திசை போக்குவரத்திற்கு
எதிராக வாகனத்தை ஓட்டியதாகவும், இறுதியில் தனது
காரின் கட்டுப்பாட்டை இழந்து தமன் விங் ஓன் போக்குவரத்து சிக்னல்களுக்கு அருகில்
மோதியதாகவும் நஜிப் கூறினார்.
29 வயதான அந்த
ஓட்டுநர் உடனடியாகக் கைது செய்யப்பட்டதாக நஜிப்
ஹம்சா தெரிவித்தார். சோதனையில், அவரிடம் ஓட்டுநர்
உரிமம் இல்லை என்பதும், வாகனத்தின் சாலை
வரி காலாவதியாகிவிட்டது என்பதும் தெரியவந்தது. சிறுநீர் பரிசோதனையிலும் மெத்தாம்பெத்தமைன்
இருப்பது உறுதியானது.
போதையில் வாகனம்
ஓட்டியதற்காக, 1987 ஆம் ஆண்டு சாலைப்
போக்குவரத்துச் சட்டத்தின் பிரிவு 44(1)-இன் கீழ் இந்த வழக்கு விசாரிக்கப்பட்டு வருவதாக நஜிப் கூறினார்!
Leave a Reply
Your email address will not be published. Required fields are marked *
தேடல்
செய்தி வகை
