பேத்திகளிடம் பாலியல் வன்கொடுமை செய்த தாத்தாவுக்கு 33 ஆண்டுகள் சிறை; 14 பிரம்படிகள்! - நீதிமன்றம் உத்தரவு
- Shan Siva
- 19 Jun, 2026
மூவார், ஜூன் 19: தனது இரண்டு பேத்திகளை ஐந்து முறை பாலியல் வன்கொடுமை செய்த குற்றத்தை ஒப்புக்கொண்ட 67 வயதான ஓய்வூதியதாரருக்கு, இங்குள்ள அமர்வு நீதிமன்றம் இன்று 33 ஆண்டுகள் சிறைத்தண்டனையும் 14 பிரம்படிகளும் விதித்து தீர்ப்பளித்தது.
மூன்று பிள்ளைகளின் தந்தையான குற்றம் சாட்டப்பட்டவர், அனைத்து குற்றச்சாட்டுகளையும் ஒப்புக்கொண்டதை அடுத்து, நீதிபதி முகமது கைரி ஹரோன் இந்தத் தீர்ப்பை வழங்கினார்.
வழக்கின் விவரங்களின்படி, சம்பந்தப்ப்ட்ட நபரின் மூத்த பேத்தி ஜூன் 8 அன்று மாலை 4.54 மணிக்கு, தனது தாத்தாவுடன் வசித்து வந்தபோது பாலியல் வன்கொடுமைக்கு ஆளானதாகக் கூறி காவல் நிலையத்தில் புகார் அளித்தார். பாதிக்கப்பட்டவரும் அவரது சகோதரியும் தங்கியிருந்த வீட்டில், அவர்கள் உறங்கும்போது குற்றம் சாட்டப்பட்டவர் அவர்களின் அறைக்குள் நுழைந்து அவர்களைத் துன்புறுத்தியுள்ளார்.
இந்தத் துன்புறுத்தல் கடந்த ஆண்டு முழுவதும் தொடர்ந்தது. டிசம்பரில் நடந்த இறுதிச் சம்பவத்தின்போது, பாதிக்கப்பட்டவரின் தாய் வந்து அழைத்துச் செல்வதற்கு முன்பு, இதுவே கடைசி முறையாக இருக்கும் என்று குற்றம் சாட்டப்பட்டவர் அவரிடம் கூறியுள்ளார்.
குற்றம் சாட்டப்பட்டவரின் மனைவி வெளியே சென்றிருந்தபோதும், பாதிக்கப்பட்டவரின் தம்பி பள்ளியில் இருந்தபோதும், இளைய பேத்தியைத் தனது அறைக்கு அழைத்து வந்து அவர்களையும் துன்புறுத்தியுள்ளார். ஒரு அறிமுகமானவருக்கு அனுப்பப்பட்ட செய்திகளைத் தாய் கண்டறிந்த பிறகு, மூத்த பேத்தி தன் தாயிடம் ஒப்புக்கொண்ட பின்னரே இந்த விஷயம் வெளிச்சத்திற்கு வந்தது.
Leave a Reply
Your email address will not be published. Required fields are marked *
தேடல்
செய்தி வகை
