விடாமுயற்சி திரைப்படத்தின் அர்ஜுன் நடிக்கும் போஸ்டர் வெளியீடு!
- Muthu Kumar
- 28 Jul, 2024
நடிகர் அஜித் குமார் நடிக்கும் விடாமுயற்சி படத்தினை லைகா தயாரிக்க மகிழ் திருமேனி இயக்குகின்றார். இந்த படத்தின் படப்பிடிப்பு அஜர்பைஜானில் கடந்த வாரம் முடிவு பெற்றது.
ஏற்கனவே படக்குழு தரப்பில் இருந்து படத்தின் மூன்று வகை போஸ்டர்கள் வெளியிடப்பட்டது. அதில் இரண்டு போஸ்டர்கள் அஜித் குமாருக்காகவே ரிலீஸ் செய்யப்பட்டது. அதன் பின்னர் மூன்றாவது போஸ்டரில் அஜித்துடன் படத்தின் கதாநாயகி த்ரிஷா இருக்கும் போஸ்டர் ரிலீஸ் செய்யப்பட்டது. இப்படியான நிலையில், இன்று விடாமுயற்சி படத்தின் அடுத்த போஸ்டர் ரிலீஸ் செய்யப்பட்டுள்ளது.
படத்தில் வில்லன் கதாபாத்திரத்தில் நடிப்பவர் நடிகர் ஆக்ஷன் கிங் அர்ஜுன். படக்குழு தரப்பில் இருந்து அர்ஜுன் உள்ள போஸ்டர் ரிலீஸ் செய்யப்பட்டுள்ளது. இதில் அர்ஜுன் மிகப்பெரிய நெடுஞ்சாலையில் நின்றுகொண்டு இருக்கின்றார். போஸ்டரில் அர்ஜுன் பார்ப்பதற்கு ஹாலிவுட் ஹீரோ போல் உள்ளார். இந்த போஸ்டருக்கு ரசிகர்கள் லைக்குகளை அள்ளி வீசி வருகின்றனர். மேலும் அந்த போஸ்டரில் அஜித் பேக்கிரவுண்டில் இருப்பதைப்போல் வடிவமைக்கப்பட்டுள்ளது.
Leave a Reply
Your email address will not be published. Required fields are marked *
தேடல்
செய்தி வகை
