பாரிசான் & பெரிகாத்தான் இடையே மறைமுகப் புரிதலா?! PN போட்டியிடாத தொகுதிகளில் பாரிசானுக்கு வாக்களிக்க பாஸ் வலியுறுத்து!
- Shan Siva
- 28 Jun, 2026
கோலாலம்பூர், ஜூன் 28: ஜொகூர் தேர்தலில் பெரிகாத்தான் நேஷனல் போட்டியிடாத மாநிலத் தொகுதிகளில், அம்னோ அல்லது பாரிசான் நேஷனல் வேட்பாளர்களுக்கு வாக்களிக்குமாறு பாஸ் கட்சி தனது உறுப்பினர்கள் மற்றும் ஆதரவாளர்கள் அனைவருக்கும் அழைப்பு விடுத்துள்ளது.
அம்னோ ஒற்றுமையின் முக்கியத்துவத்தை
கட்சி உறுப்பினர்கள் புரிந்துகொண்டுள்ளனர் என்றும், அந்த இலக்கை அடைவதற்கான தளமாக பாரிசான் நேஷனல் உள்ளது
என்றும் தாம் நம்பிக்கையுடன் இருப்பதாகவும் பாஸ் கட்சியின் துணைத் தலைவர் துவான்
இப்ராஹிம் துவான் மான் கூறினார்.
பாரிசான் நேஷனல்
போட்டியிடாத மாநிலத் தொகுதிகளில், அம்னோ அல்லது பாரிசான் நேஷனல் வேட்பாளர்களுக்கு வாக்களியுங்கள், ஆனால், பக்காத்தான் ஹராப்பானுக்கு வாக்களிக்காதீர்கள் என்று அவர் கூறியதாக
சினார் ஹரியான் செய்தி வெளியிட்டுள்ளது.
ஜொகூர் மாநிலத் தேர்தலில் 56 இடங்கள் போட்டியிடப்படுகின்றன, இதில் எளிய பெரும்பான்மைக்கு 29 இடங்கள் தேவை.
பெரிகாத்தான் நேஷனல் கூட்டணியின்
கீழ், பாஸ் கட்சி 11 இடங்களிலும், பெர்சாத்து கட்சி 16 இடங்களிலும், மலேசிய இந்திய
மக்கள் கட்சியான MIPP ஐந்து இடங்களிலும், பெஜுவாங் ஒரு இடத்திலும் போட்டியிடுகின்றன. வவாசான் நெகாரா
கட்சியும் கெராக்கானும் மாநிலத் தேர்தலில் போட்டியிடவில்லை.
பாரிசான் நேஷனல்
கூட்டணி அனைத்து 56 இடங்களிலும்
போட்டியிடும், மேலும் எந்தவொரு தேர்தல்
ஒத்துழைப்புமின்றியும் அல்லது வேறு எந்தக் கட்சியுடனும் அரசாங்கம் அமைக்கும்
திட்டங்கள் இன்றியும் தனித்துப் போட்டியிடும் தனது முடிவை மீண்டும்
உறுதிப்படுத்தியுள்ளது.
பக்காத்தான் ஹராப்பான்
கூட்டணியும் அனைத்து 56 இடங்களிலும்
வேட்பாளர்களை நிறுத்தியுள்ளது.
அடுத்த மாநில
அரசை BN மற்றும் PN அமைப்பதைத் தடுக்க, வாக்காளர்கள் பெருமளவில் திரண்டு வர வேண்டும் என்று சூ
வலியுறுத்தினார்.
இதற்கிடையில்,
வரும் நாட்களில் வெளியிடப்படவுள்ள ஜொகூர்
தேர்தலுக்கான கூட்டணியின் தேர்தல் அறிக்கையில் பல ஆச்சரியங்கள் இருக்கும் என PN
பொதுச்செயலாளர் தக்கியுதீன் ஹசன் சூசகமாகத்
தெரிவித்துள்ளார்!
Leave a Reply
Your email address will not be published. Required fields are marked *
தேடல்
செய்தி வகை
