• Muthu Kumar
• 03 Aug, 2025

தமிழக அரசியல் களத்தில் தி.மு.க. மற்றும் பா.ஜ.க இடையே மறைமுக உறவு இருப்பதாகவும், அதே சமயம் காங்கிரஸ் கட்சி தி.மு.க கூட்டணியில் இருந்து வெளியேறி நடிகர் விஜய்யின் 'தமிழக வெற்றிக் கழகம்' உடன் இணைய வேண்டும் என்றும் அரசியல் விமர்சகர்கள் மற்றும் சிலர் கூறிவருவது பெரும் விவாத பொருளாகியுள்ளது.

தி.மு.க-வுக்கும் பா.ஜ.க-வுக்கும் இடையே மறைமுக உறவு உள்ளதாக குற்றம் சாட்டியுள்ளார். இதற்கு உதாரணமாக, கலைஞர் நூற்றாண்டு விழா நாணயத்தை வெளியிடும் விழாவில் பா.ஜ.க. மற்றும் ஆர்.எஸ்.எஸ். தலைவர்கள் கலந்துகொண்டதை குறிப்பிட்டார்.

ஒருபுறம் காங்கிரஸ் கட்சியுடன் கூட்டணியில் இருந்துகொண்டு, மற்றொருபுறம் பா.ஜ.க-வுடன் இணக்கமான உறவை பேணுவது தி.மு.க.வின் அரசியல் சாமர்த்தியம் என்றும் அவர் சுட்டிக்காட்டி வரப்படுகிறது.

சமீபத்தில், தமிழ்நாடு சட்டமன்ற காங்கிரஸ் குழுத் தலைவர் ராஜேஷ் குமாரி தலைமையில் தமிழக காங்கிரஸ் எம்.எல்.ஏ.க்கள் மற்றும் எம்.பி.க்கள் டெல்லியில் சில முக்கிய தலைவர்களுடன் சந்திப்பு நடத்தியுள்ளனர். இந்த சந்திப்பில், ஒரு பரபரப்பான கோரிக்கை முன்வைக்கப்பட்டதாகக் கூறப்படுகிறது.

தி.மு.க. கூட்டணியில் தொடர்வது காங்கிரஸ் கட்சியின் எதிர்கால வளர்ச்சிக்கு உதவாது என்று சில தலைவர்கள் கருதுவதாக கூறப்படுகிறது.தமிழகத்தில் காங்கிரஸ் வலுப்பெற, நடிகர் விஜய்யின் ‘தமிழக வெற்றிக் கழகம்’ உடன் கூட்டணி அமைக்க வேண்டும் என்று இந்த கூட்டத்தில் கோரிக்கை விடுக்கப்பட்டதாக தகவல் வெளியாகியுள்ளது.

தி.மு.க-வும் பாஜகவும் வெளிப்படையாக எதிரிக்கட்சிகள் என்று சொல்லிக்கொண்டாலும், அவர்களுக்குள் ஒரு ரகசிய உறவு இருப்பதாகவும், இது காங்கிரஸ் கட்சியின் வளர்ச்சிக்கு தடையாக உள்ளதாகவும் சில தலைவர்கள் நம்புவதாகக் கூறப்படுகிறது.தி.மு.க.வின் வெற்றிக்கு முக்கியக் காரணம், சிறுபான்மையினரின் வாக்குகள் மொத்தமாக அவர்களுக்கு கிடைப்பதுதான். இந்த வாக்குகளை பெறுவதற்கு, தி.மு.க.வுடன் காங்கிரஸ் கூட்டணி இருப்பது ஒரு முக்கிய காரணம் என்று கூறப்படுகிறது.

தி.மு.க கூட்டணியில் ஓ.பி.எஸ்., தே.மு.தி.க., பா.ம.க. போன்ற எத்தனை கட்சிகள் இருந்தாலும், காங்கிரஸ் இல்லையென்றால் அந்த கூட்டணி “பூஜ்யம்” தான் என்றும்,
காங்கிரஸ் மற்றும் தவெக இணைந்து ஒரு கூட்டணி அமைத்தால், அந்த கூட்டணி அ.தி.மு.க. மற்றும் தி.மு.க. என இரண்டு திராவிட கட்சிகளையும் வீழ்த்தும் என்று அரசியல் வட்டாரங்களில் கூறப்படுகிறது.

அடுத்த சட்டமன்றத் தேர்தலில் காங்கிரஸ் கட்சி எடுக்கும் முடிவுதான் ஒரு திருப்புமுனையை உருவாக்கும் என்றும், காங்கிரஸ், விஜய்யின் கட்சியுடன் கூட்டணி அமைத்தால், அது தமிழக அரசியலில் ஒரு பெரிய மாற்றத்தை உருவாக்கும் என்றும் அரசியல் விமர்சகர்கள் கூறுகின்றனர். இது தி.மு.க. மற்றும் அ.தி.மு.க. என இரு கட்சிகளுக்கும் ஒரு சவாலாக இருக்கும் என எதிர்பார்க்கப்படுகிறது.