ஸ்பெயின் எல்லைக்குள் ஆயிரக்கணக்கான அகதிகள் நுழைவு; நெரிசலில் உயிரிழப்புகள் – பாதுகாப்புப் படைகள் குவிப்பு
- Surendran Sumdraraj
- 01 Aug, 2026
மாட்ரிட், ஆக. 1-
ஸ்பெயினின் வட ஆப்பிரிக்கப் பகுதியான சியூட்டா (Ceuta) எல்லைக்குள் மொராக்கோ வழியாக ஆயிரக்கணக்கான அகதிகள் நுழைந்த சம்பவம் பெரும் பரபரப்பை ஏற்படுத்தியுள்ளது. இந்தச் சூழ்நிலையைக் கட்டுப்படுத்த ஸ்பெயின் அரசு கூடுதல் பாதுகாப்புப் படைகளை அங்கு அனுப்பியுள்ளது.
அகதிகள் பெருமளவில் எல்லையைக் கடக்க முயன்றபோது ஏற்பட்ட நெரிசல் மற்றும் குழப்பத்தில் பலர் சிக்கினர். இதில் குறைந்தது 9 பேர் உயிரிழந்ததாகத் தகவல்கள் வெளியாகியுள்ளன.
மொராக்கோவிலிருந்து ஸ்பெயின் கட்டுப்பாட்டில் உள்ள சியூட்டா பகுதிக்குள் நுழைய ஆயிரக்கணக்கானோர் முயன்றனர். சிலர் கடல் வழியாக நீந்தியும், சிலர் எல்லைப் பகுதிகளைக் கடக்க முயன்றும் ஸ்பெயினுக்குள் செல்ல முயன்றதாகத் தெரிவிக்கப்பட்டுள்ளது.
நிலைமை கட்டுக்குள் வராததைத் தொடர்ந்து ஸ்பெயின் அரசு ராணுவம் மற்றும் போலீஸ் படைகளை சியூட்டாவில் குவித்துள்ளது. எல்லைப் பாதுகாப்பை பலப்படுத்தவும், சட்டவிரோத நுழைவுகளை கட்டுப்படுத்தவும் நடவடிக்கைகள் தீவிரப்படுத்தப்பட்டுள்ளன.
Leave a Reply
Your email address will not be published. Required fields are marked *
தேடல்
செய்தி வகை
