கைதொலைபேசி கேமராவை டேப் ஒட்டி மறைத்த இஸ்ரேல் பிரதமர் நெதன்யாகு!
- Muthu Kumar
- 29 Jan, 2026
இஸ்ரேல் பிரதமர் பெஞ்சமின் நெதன்யாகு கார் நிறுத்துமிடத்தில் நின்றபடி செல்போனில் பேசும் புகைப்படம் ஒன்று தற்போது இணையதளங்களில் காட்டுத்தீயாக பரவி வருகிறது.
அந்தப் படத்தில், நெதன்யாகு பயன்படுத்தும் ஐபோனின் பின்பக்க கேமராக்கள் அனைத்தும் அடர்த்தியான சிவப்பு நிற டேப் கொண்டு ஒட்டப்பட்டு மறைக்கப்பட்டுள்ளன. அதிநவீன தொழில்நுட்பங்களை கொண்ட இஸ்ரேலின் பிரதமரே, தனது போன் கேமராவை இப்படி 'லோ-டெக்' முறையில் மறைத்திருப்பது சர்வதேச அளவில் விவாதத்தை கிளப்பியுள்ளது.
பெகாசஸ் போன்ற உளவு மென்பொருட்கள் மூலம் ஹேக்கர்கள் ரகசியமாக கேமராவை இயக்கி வீடியோ எடுக்க வாய்ப்புள்ளதால், பாதுகாப்பை உறுதி செய்யவே அவர் இவ்வாறு செய்துள்ளதாக கூறப்படுகிறது. ஏற்கனவே அவரது உதவியாளர்களின் போன்கள் ஹேக் செய்யப்பட்டதாக செய்திகள் வெளியான நிலையில், ஈரான் போன்ற எதிரி நாடுகளின் உளவு நடவடிக்கைகளில் இருந்து தப்பிக்கவே இந்த அதிரடி முன்னெச்சரிக்கை நடவடிக்கை எடுக்கப்பட்டுள்ளதாக பாதுகாப்பு நிபுணர்கள் தெரிவிக்கின்றனர்.
Leave a Reply
Your email address will not be published. Required fields are marked *
தேடல்
செய்தி வகை
