டெல்லியில் வலுக்கும் மாணவர்கள் போராட்டம்: பாலிவுட் நடிகர் சல்மான் கான் ஆதரவு
- Surendran Sumdraraj
- 23 Jul, 2026
புதுடெல்லி, ஜூலை 23-
நீட் தேர்வு வினாத்தாள் கசிவு மற்றும் தேர்வு முறைகேடுகளை எதிர்த்து டெல்லியில் நடைபெற்று வரும் மாணவர்கள் போராட்டத்திற்கு பாலிவுட் நடிகர் சல்மான் கான் ஆதரவு தெரிவித்துள்ளார். மாணவர்கள் அமைதியான முறையில் தங்களது கோரிக்கைகளை முன்வைத்து வருவதாகவும், கல்வி தொடர்பான இந்த விவகாரம் அரசியலுக்கு அப்பாற்பட்டு பார்க்கப்பட வேண்டும் என்றும் அவர் தெரிவித்துள்ளார்.
சமூக வலைதளத்தில் பதிவிட்டுள்ள சல்மான் கான், தேர்வு வினாத்தாள் கசிவு என்பது மிகவும் தீவிரமான பிரச்சினை என்றும், சிறந்த கல்வி அமைப்பை உருவாக்க வேண்டும் என்ற நோக்கில் மாணவர்கள் ஒன்றிணைந்து போராடுவது பாராட்டுக்குரியது என்றும் குறிப்பிட்டுள்ளார். மாணவர்களின் முயற்சி மற்றும் அவர்களுக்கு ஆதரவாக நிற்கும் பெற்றோர்களையும் அவர் பாராட்டியுள்ளார்.
மேலும், மாணவர்களின் போராட்டம் அரசியல் நோக்கங்களுக்காகப் பயன்படுத்தப்படக் கூடாது என்றும் சல்மான் கான் வலியுறுத்தியுள்ளார். கல்வி அமைப்பில் நம்பிக்கையை மீட்டெடுப்பது மற்றும் மாணவர்களின் எதிர்காலத்தை பாதுகாப்பது முக்கியம் என்றும் அவர் தெரிவித்துள்ளார்.
Leave a Reply
Your email address will not be published. Required fields are marked *
தேடல்
செய்தி வகை
