• Muthu Kumar
• 22 Jun, 2024

சரவாக்கில் உள்ளதைப் போல ஹைட்ரஜனை நாடுவதை விட, தீபகற்ப மலேசியாவிற்கு பயோடீசல் போன்ற பிற எரிபொருள் மாற்றுகள் சிறந்த வழி என்று ஆற்றல் நிபுணர் பி கணேஷா கூறியுள்ளார்.

ஆசியா ஸ்கூல் ஆஃப் பிசினஸின் மூத்த ஆராய்ச்சியாளரான கணேஷா, தீபகற்ப மலேசியா இன்னும் பெரிய அளவிலான ஹைட்ரஜனை உற்பத்தி செய்வதை ஆதரிக்கும் நிலையில் இல்லை என்று கூறினார்.

ஹைட்ரஜன் உற்பத்திக்காக மட்டும் எரிசக்தி உற்பத்தியை அதிகரித்தால் சுற்றுச்சூழல் நிலைத்தன்மை மாசுபடலாம் என்று கணேஷா கூறினார், மலேசியா தற்போது மின்சார உற்பத்திக்காக நிலக்கரியை பெரிதும் நம்பியுள்ளது.

சரவாக்கில் அதிகப்படியாக உள்ள ஹைட்ரஜனை அவர்கள் நமக்கு கொடுக்க தயாராக இருப்பது வேறு  என்றும் அவர் கூறினார்.

இப்போதைக்கு, பயோடீசல் போன்ற பிற வழித்தோன்றல்கள் தீபகற்பத்திற்கு சிறந்த தேர்வாக உள்ளது என்றார்.

கடந்த வாரம், சரவாக் பிரதமர் அபாங் ஜொஹாரி ஓபன், நாடு முழுவதும் டீசலை முதன்மை எரிபொருளாக மாற்றுவதற்கு ஹைட்ரஜன் போன்ற மலிவு மற்றும் நிலையான ஆற்றல் மாற்றுகளை மத்திய அரசு நாட வேண்டும் என்று முன்மொழிந்தார் என்பது இங்கு குறிப்பிடதக்கது.