பாரீஸ் ஒலிம்பிக்கில் விளையாட்டு மட்டும் இல்லாமல் காதல் விளையாட்டும் அரங்கேறிய சுவாரஸ்யம்!
- Muthu Kumar
- 03 Aug, 2024
பாரீஸ் ஒலிம்பிக் திருவிழாவில் பல்வேறு சுவாரஸ்ய சம்பவங்கள் நடைபெற்று வருகின்றன. அந்த வகையில், தங்கம் வென்ற சீன பேட்மிண்டன் வீராங்கனை ஒருவரிடம், அவரது காதலர் திருமணம் செய்துகொள்வதாக ஒப்புக்கொண்ட சம்பவம் இணையத்தில் வைரலாகி வருகிறது.
சீனாவைச் சேர்ந்தவர் ஹுவாங் யாகியாங். பேட்மிண்டன் வீராங்கனையான இவர், நேற்று நடைபெற்ற போட்டியில் கலப்பு இரட்டையர் பிரிவில் சீனாவிற்கு தங்கப் பதக்கத்தைத் தேடித் தந்தார். அந்தப் பதக்கத்துடன் மேடையில் தோன்றியவரிடம் அவரது காதலரான லியு யுசென், ப்ரபோஸ் செய்தார். தன் பேண்ட் பாக்கெட்டில் இருந்து மோதிரத்தை எடுத்து மண்டியிட்டப்படியே ஹுவாங்கிடம், திருமணம் செய்துகொள்ளுமாறு கேட்டார்.
இதைச் சற்றும் எதிர்பார்க்காத ஹுவாங் யாகியாங் ஆச்சர்யத்தில் மூழ்கிப்போனார். பின்னர் அவரும் ஆனந்தக் கண்ணீருடன் 'ஆம்' எனப் பதிலளித்தார். இதைக் கேட்ட ரசிகர்கள் அவர்களுக்கு வாழ்த்து தெரிவித்தனர். இதே ஒலிம்பிக் தொடரில் ஹுவாங்கின் காதலரான லியு யுசென்னும் பங்கேற்றிருந்தார். ஆண்கள் இரட்டையர் பிரிவில் போட்டியிட்ட அவர், முதல் சுற்றிலேயே தோல்வியடைந்தார் என்பது குறிப்பிடத்தக்கது.
Leave a Reply
Your email address will not be published. Required fields are marked *
தேடல்
செய்தி வகை
