நாடாளுமன்றத்தில் தனது இருக்கையை மாற்ற முகைதீன் சம்மதம்! - சபாநாயகர் அறிவிப்பு
.jpeg)
- Shan Siva
- 21 Jun, 2026
கோலாலம்பூர், ஜூன் 21: வரும் திங்கட்கிழமை தொடங்கும் கூட்டத்திற்கு முன்னதாக, பாகோ நாடாளுமன்ற உறுப்பினர் முகைதீன் யாசின் தனது இருக்கையை மாற்ற விரும்புவதாக மக்களவை சபாநாயகர் ஜொஹாரி அப்துல் தெரிவித்துள்ளார்
நாடாளுமன்றத்தின் இணையதளத்தில் வெளியிடப்பட்ட சமீபத்திய இருக்கை ஏற்பாடுகளின்படி, பெர்சாத்து முன்னாள் துணைத் தலைவர் மீண்டும் எதிர்க்கட்சித் தலைவர் பதவியில் அமர்த்தப்படுவார் என்று பாஸ் கட்சி அறிவித்ததைத் தொடர்ந்து, லாரூட் நாடாளுமன்ற உறுப்பினர் ஹம்சா ஜைனுதீன் மீண்டும் அப்பதவிக்குத் திரும்புகிறார்.
இந்த மாற்றங்களில் முகைதீன் இருக்கையும் அடங்குமா? என்ற கேள்விக்கு, ஜொஹாரி அதை உறுதிசெய்து, இது பெர்சாத்து தலைவரின் வேண்டுகோளின் பேரிலேயே செய்யப்பட்டது என்று கூறினார்.
ஹம்சாவை எதிர்க்கட்சித் தலைவராக உறுதிப்படுத்தும் கடிதத்தையும், நாடாளுமன்ற உறுப்பினர்களின் இருக்கைகளில் பல மாற்றங்களையும் தாம் பெற்றுள்ளதாக அவர் செய்தி அறிக்கையில் கூறினார்.
கடந்த மார்ச் மாதம் மக்களவை கூடியபோது, முகைதீன் 'ஜி' பிரிவில் ஹம்சாவுக்கு அடுத்த இருக்கையில் அமர்ந்திருந்தார்.
வரவிருக்கும் கூட்டத்திற்காக, முகைதீன் முன் வரிசையில் எட்டு இடங்கள் கீழே இறக்கப்பட்டு, அலோர் ஸ்டார் நாடாளுமன்ற உறுப்பினர் அஃப்னான் ஹமிமி தாயிப் அஸாமுதீனுக்கு அடுத்த பிளாக் E-க்கு மாற்றப்பட்டுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
