• Shan Siva
• 13 Nov, 2024

பெட்டாலிங் ஜெயா, நவம்பர் 13: முன்னாள் நிதியமைச்சர் துன் டாய்ம் ஜைனுதீன் தனது 86வது வயதில் தனியார் மருத்துவமனையில் இன்று காலை காலமானார்.

அவரது வழக்கறிஞரான டத்தோ டாக்டர். குர்தியல் சிங் நிஜார்,  அவர் காலமானதை உறுதிப்படுத்தினார்.

குர்தியலின் கூற்றுப்படி, கடந்த இரண்டு வாரங்களாக டாய்ம் மருத்துவமனையில் அனுமதிக்கப்பட்டிருந்தார் என்று கூறினார்,

1984 முதல் 1991 வரை நிதி அமைச்சராகவும், 1999 முதல் 2001 வரை இரண்டாவது முறையாகவும் டாய்ம் பணியாற்றினார்.

காலை 8.21 மணிக்கு பெட்டாலிங் ஜெயாவில் உள்ள அசுண்டா மருத்துவமனையில் அவர் உயிரிழந்ததாக டாய்மின் குடும்பத்தினர் உறுதிப்படுத்தினர்.

ஜலான் டூத்தாவில் உள்ள மஸ்ஜித் விலயா பெர்செகுத்துவானில் அஸருக்குப் பிறகு இறுதிச் சடங்கு நடைபெறும் ஓர் அறிக்கையில் கூறப்பட்டுள்ளது.