வாஷிங்டன், ஜூலை 22-
ஈரான் மீது அமெரிக்கா தொடர்ந்து ஏழாவது நாளாக ராணுவத் தாக்குதல்களை மேற்கொண்டுள்ள நிலையில், மத்திய கிழக்கில் பதற்றம் மேலும் தீவிரமடைந்துள்ளது. இந்த மோதலால் உலகின் முக்கிய எண்ணெய் போக்குவரத்து வழித்தடங்களான ஹோர்முஸ் ஜலசந்தி மற்றும் செங்கடல் பகுதிகளில் கச்சா எண்ணெய் விநியோகம் கடுமையாகப் பாதிக்கப்படும் அபாயம் ஏற்பட்டுள்ளதாக சர்வதேச சந்தை நிபுணர்கள் எச்சரித்துள்ளனர்.
அமெரிக்க தாக்குதல்களுக்குப் பதிலடியாக ஈரான் ஆதரவு பெற்ற ஹவுதி அமைப்பு, சவுதி அரேபியாவின் கடல் போக்குவரத்துக்கு அச்சுறுத்தல் விடுத்துள்ளது. இதன் காரணமாக சில எண்ணெய் கப்பல்கள் தங்களது பயணத்தை மாற்றியுள்ளதாகவும், முக்கிய ஏற்றுமதி வழித்தடங்களில் பாதுகாப்பு சவால்கள் அதிகரித்துள்ளதாகவும் தகவல்கள் வெளியாகியுள்ளன.
இந்தச் சூழ்நிலையில், சர்வதேச சந்தையில் பிரென்ட் கச்சா எண்ணெய் விலை கடந்த ஐந்து வாரங்களில் இல்லாத அளவுக்கு உயர்ந்துள்ளது. மத்திய கிழக்கில் மோதல் நீடித்தால், உலகளாவிய கச்சா எண்ணெய் விநியோகத்தில் மேலும் தடை ஏற்பட்டு, எரிபொருள் விலைகள் கணிசமாக உயரக்கூடும் என்று பொருளாதார நிபுணர்கள் எச்சரித்துள்ளனர்.
