ஈரான் மீது அமெரிக்கா மீண்டும் கடுமையான தாக்குதல்; மத்திய கிழக்கில் பதற்றம் தீவிரம்
- Surendran Sumdraraj
- 30 Jul, 2026
வாஷிங்டன், ஜூலை 30-
அமெரிக்கா, ஈரான் மீது மீண்டும் கடுமையான வான்வழித் தாக்குதலை நடத்தியுள்ளது. அண்மையில் ஜோர்டானில் உள்ள அமெரிக்க ராணுவத் தளத்தை குறிவைத்து ஈரான் ஏவுகணைத் தாக்குதல் நடத்தியதற்குப் பதிலடியாக இந்த நடவடிக்கை மேற்கொள்ளப்பட்டதாக அமெரிக்க அதிகாரிகள் தெரிவித்துள்ளனர்.
அமெரிக்க ராணுவம் நடத்திய தாக்குதலில், ஈரானின் இராணுவ கட்டளை மையங்கள், ஏவுகணைத் தளங்கள் மற்றும் ஈரான் ஆதரவு ஆயுதக் குழுக்களுடன் தொடர்புடைய முக்கிய இலக்குகள் குறிவைக்கப்பட்டதாக தகவல்கள் வெளியாகியுள்ளன. இந்த தாக்குதலில் பல போராளிகள் உயிரிழந்ததுடன், சில ஈரானிய ராணுவ ஆலோசகர்களும் பாதிக்கப்பட்டதாகக் கூறப்படுகிறது.
இந்தத் தாக்குதலைத் தொடர்ந்து மத்திய கிழக்கு முழுவதும் பதற்றம் அதிகரித்துள்ளது. ஹோர்முஸ் நீரிணை வழியாக நடைபெறும் கப்பல் போக்குவரத்து மற்றும் எண்ணெய் வர்த்தகத்தில் பாதிப்பு ஏற்படும் அபாயம் இருப்பதாக சர்வதேச நிபுணர்கள் எச்சரித்துள்ளனர். மேலும், இரு நாடுகளுக்கும் இடையிலான பதற்றம் நீடித்தால், பிராந்திய பாதுகாப்பு மற்றும் உலக பொருளாதாரத்தில் தாக்கம் ஏற்படக்கூடும் எனவும் தெரிவிக்கப்பட்டுள்ளது.
Leave a Reply
Your email address will not be published. Required fields are marked *
தேடல்
செய்தி வகை
