ஈரானின் ரேடாரில் சிக்காமல் 70 கப்பல்களை ஹார்முஸ் நீரிணை வழியே பாதுகாப்பாக வெளியேற்றிய அமெரிக்கா
- Surendran Sumdraraj
- 02 Jun, 2026
வாஷிங்டன், ஜூன் 2-
ஹார்முஸ் நீரிணையில் சிக்கித் தவித்திருந்த சுமார் 70 வணிகக் கப்பல்களை அமெரிக்க ராணுவம் பாதுகாப்பாக வெளியேற்றியுள்ளதாகத் தகவல்கள் வெளியாகியுள்ளன. ஈரானின் கண்காணிப்பு அமைப்புகள் மற்றும் டிரோன் தாக்குதல் அச்சுறுத்தல்களைத் தவிர்த்து இந்த நடவடிக்கை மேற்கொள்ளப்பட்டதாகக் கூறப்படுகிறது.
உலகின் முக்கிய எண்ணெய் போக்குவரத்து வழித்தடங்களில் ஒன்றான ஹார்முஸ் நீரிணையில் கடந்த சில வாரங்களாக பதற்றம் நிலவி வருகிறது. ஈரான் மற்றும் அமெரிக்கா இடையிலான மோதல் காரணமாக பல நூறு கப்பல்கள் அப்பகுதியில் சிக்கியிருந்தன. இதையடுத்து அமெரிக்கா "ப்ராஜெக்ட் ஃப்ரீடம்" என்ற பாதுகாப்பு நடவடிக்கையின் மூலம் கப்பல்களுக்கு வழிகாட்டும் பணியைத் தொடங்கியது.
அமெரிக்க கடற்படை நேரடி ராணுவ பாதுகாப்பு வழங்காமல், தகவல் தொடர்பு மற்றும் கண்காணிப்பு உதவிகளின் மூலம் கப்பல்களை பாதுகாப்பான பாதைகளில் நகர்த்தியதாக தெரிவிக்கப்பட்டுள்ளது. குறிப்பாக ஓமான் கடற்பரப்பை ஒட்டிய வழித்தடங்கள் பயன்படுத்தப்பட்டதாகக் கூறப்படுகிறது.
சமீபத்தில் ஈரானின் ரேடார் மற்றும் டிரோன் கட்டுப்பாட்டு தளங்கள் மீது அமெரிக்கா தாக்குதல் நடத்தியதைத் தொடர்ந்து, ஹார்முஸ் நீரிணையில் அமெரிக்காவின் செயல்பாடுகள் மேலும் தீவிரமடைந்துள்ளன. இதன் மூலம் சர்வதேச வர்த்தகம் மற்றும் எண்ணெய் போக்குவரத்தை சீராக்கும் முயற்சியில் அமெரிக்கா ஈடுபட்டு வருவதாக அதிகாரிகள் தெரிவித்துள்ளனர்.
Leave a Reply
Your email address will not be published. Required fields are marked *
தேடல்
செய்தி வகை
