அமெரிக்க வெள்ளை மாளிகை செய்தித் தொடர்பாளர் கரோலின் லெவிட் பதவி விலகல்
- Surendran Sumdraraj
- 14 Aug, 2026
வாஷிங்டன், ஆக. 14 —
அமெரிக்க அதிபர் டொனால்டு டிரம்பின் வெள்ளை மாளிகை செய்தித் தொடர்பாளர் கரோலின் லெவிட், ஆகஸ்ட் மாத இறுதியில் தனது பதவியில் இருந்து விலகவுள்ளதாக அறிவிக்கப்பட்டுள்ளது.
28 வயதான லெவிட், அமெரிக்க வரலாற்றில் மிக இளம் வயதில் வெள்ளை மாளிகை செய்தித் தொடர்பாளராகப் பதவி வகித்தவர் என்ற சிறப்பைப் பெற்றுள்ளார். 2025 ஜனவரியில் டிரம்பின் இரண்டாவது ஆட்சிக்காலம் தொடங்கியபோது அவர் இந்தப் பொறுப்பை ஏற்றார்.
இரண்டாவது குழந்தை பிறந்ததைத் தொடர்ந்து சமீபத்தில் அவர் மகப்பேறு விடுப்பில் இருந்து மீண்டும் பணிக்குத் திரும்பியிருந்தார். குடும்பத்துடன் அதிக நேரம் செலவிடுவதற்காகப் பதவியில் இருந்து விலகும் முடிவை எடுத்துள்ளதாகத் தெரிவிக்கப்பட்டுள்ளது.
லெவிட்டின் முடிவை அதிபர் டிரம்ப் மதிப்பதாகவும், அவர் தொடர்ந்து தமக்கு வெளிப்புற ஆலோசகராக செயல்படுவார் என்றும் தெரிவித்துள்ளார். குடியரசுக் கட்சியிலும் அவர் தொடர்ந்து செல்வாக்கு மிக்க குரலாக இருப்பார் என டிரம்ப் குறிப்பிட்டுள்ளார்.
Leave a Reply
Your email address will not be published. Required fields are marked *
தேடல்
செய்தி வகை
