• Muthu Kumar
• 11 Jan, 2025

தமிழ்த் திரைப்படங்களில் நடிகர் ஜெயம் ரவியின் நடிப்பில் இறுதியாக வெளியான படம் பிரதர். கடந்த அக்டோபர் 31ம் தேதி வெளியான இந்த திரைப்படம் வசூல் ரீதியாகவும் சரி, விமர்சனங்கள் ரீதியாகவும் சரி கடுமையான தோல்வியடைந்து.

தனது கடின உழைப்பால் வெளியான இந்த திரைப்படம் கடுமையான தோல்வியடைந்ததை பற்றி நடிகர் ஜெயம் ரவி வருத்தத்தில் இருத்தாகக் கூறப்படுகிறது. இந்நிலையில் இந்த திரைப்படத்தைத் தொடர்ந்து இயக்குநர் கிருத்திகா உதயநிதி இயக்கத்தில் காதலிக்க நேரமில்லை என்ற திரைப்படத்தில் நடித்து வந்தார். இப்படத்தின் வேலைகள் எல்லாம் நிறைவடைந்த நிலையில் வரும் ஜனவரி 14ம் தேதியில் திரையரங்குகளில் வெளியாகி உள்ளது.

தற்போது இப்படத்தின் ப்ரோமோஷன் வேலைகள் தீவிரமாக நடந்துவரும் நிலையில் நடிகர் ஜெயம் ரவி தனது திரைப்படத்தின் தோல்வியையும், 3 வருடங்களில் தான் பட்ட கஷ்டங்களையும் பகிர்ந்துள்ளார்.

சமீபத்தில் காதலிக்க நேரமில்லை ப்ரோமோஷன் நிகழ்ச்சியில் கலந்துகொண்ட ஜெயம் ரவி ஆரம்பத்தில் இப்படத்தில் பெண் கதாபாத்திரம் முன்னணி கதாபாத்திரத்தில் நடித்ததை குறித்து, பெண் இயக்குநர்களின் கதைகளுக்கு முக்கியத்துவம் அளிக்க வேண்டும் என்றும், இப்படத்தில் நடிகை நித்தியா மேனன் குறித்தும் பேசினார். தொடர்ந்து பேசிய அவர் தன்னுடைய கதையைப் பற்றித்தான் முக்கியமாக இங்குப் பேச வந்தேன் என்று கூறினார்

வெற்றி வந்தாலும், தோல்வி வந்தாலும் ஒரே மாதிரி இருக்கிறேன் என்று தொகுப்பாளர் கூறினார். அது உண்மைதான். இப்போது உள்ள நிலைமை போல 2014ம் ஆண்டு எனக்கு தோல்விகள் நிறைந்த ஆண்டாக இருந்தது. அப்போது அந்த படத்திற்காக 3 வருடங்கள் கடுமையாக உழைத்தேன். அந்தப்படத்திற்கென தனி லுக் இருந்ததால் யாரையும் சந்திக்க முடியாமல் கடும் மன உளைச்சலில் இருந்தேன். அந்த கடின உழைப்பில் வெளியான திரைப்படமும் தோல்வியடைந்து.

அதன் பின் நான் நினைத்தேன், இப்படத்தில் நான் ஏதாவது தவறு செய்தேனா என்று அப்போது என்னுடைய பக்கத்திலிருந்து எந்த தவறும் இல்லை என்று உணர்ந்தேன். அதன் பிறகு அடுத்த ஆண்டிலே ரோமியோ ஜூலியட், தனி ஒருவன் மற்றும் பூலோகம் என மூன்று ஹிட் படங்களைக் கொடுத்தேன். இதனால் தான் தோல்வியடைந்தாலும் என்னுடைய நம்பிக்கையை விடுவதில்லை என்று கூறியுள்ளார். அதுபோல இந்த தோல்விக்கும் பிறகு அடுத்து மீண்டு ஹிட் படங்களைக் கொடுப்பேன் என்று தெரிவித்துள்ளார்.

இவர் ஜே.ஆர்.34, எஸ்.கே.25 மற்றும் தனி ஒருவன் 2 போன்ற திரைப்படங்களில் நடித்து வருகிறார். மேலும் இவர் சிவகார்த்திகேயனின் எஸ்.கே. 25 திரைப்படத்தில் வில்லன் கதாபாத்திரமாக நடித்து வருகிறார் என்பது குறிப்பிடத்தக்கது. இந்நிலையில் இந்த ஆண்டில் இவரின் நடிப்பில் 3 திரைப்படங்கள் வெளியாகும் என்று எதிர்பார்க்கப்படுகிறது.