கத்தார் கிராண்ட் பிரிக்ஸ்: மேக்ஸ் வெர்ஸ்டாப்பன் அபார வெற்றி!
- Tamil Malar (Reporter)
- 01 Dec, 2025
செய்தி- வெற்றி மைந்தன்
லுசைல், கத்தார், டிச. 1-
பார்முலா ஒன் உலக சாம்பியன்ஷிப்பின் நடப்பு சாம்பியன் மேக்ஸ் வெர்ஸ்டாப்பன், கத்தார் கிராண்ட் பிரிக்ஸ் பந்தயத்தில் அபார வெற்றி பெற்று, தொடர்ச்சியாக ஐந்தாவது உலக சாம்பியன் பட்டத்தை வென்றெடுக்கும் வாய்ப்பை மேலும் பலப்படுத்தினார்.
ரெட் புல் அணியைச் சேர்ந்த இந்த டச்சு இளம் வீரர், இன்று அதிகாலை நடைபெற்ற பந்தயத்தில் 1 மணி நேரம் 24 நிமிடம் 38.241 விநாடிகளில் முதலிடம் பிடித்தார். இதன் மூலம் புள்ளிப்பட்டியலில் முன்னிலை வகிக்கும் மெக்லாரனின் லாண்டோ நாரிஸை வெறும் 12 புள்ளிகள் மட்டுமே பின்தங்கி துரத்துகிறார்.
அடுத்த வார இறுதியில் அபுதாபி கிராண்ட் பிரிக்ஸ் நடைபெறவுள்ள நிலையில், அங்கு நல்ல தொடக்க இடத்தையும் புள்ளிகளையும் பெற்றால் வெர்ஸ்டாப்பன் தொடர்ச்சியாக ஐந்தாவது முறையாக உலக சாம்பியன் ஆவார்.
பந்தயத்தில் இரண்டாவது இடத்தை நாரிஸின் அணியினர் ஆஸ்கார் பியாஸ்ட்ரி (மெக்லாரன்) பிடித்தார். வெர்ஸ்டாப்பனை விட 7.826 விநாடிகள் பின்தங்கினார். வில்லியம்ஸ் அணியின் கார்லோஸ் சைன்ஸ் மூன்றாவது இடமும், புள்ளிப்பட்டியல் முன்னிலை வீரர் லாண்டோ நாரிஸ் நான்காவது இடமும் பிடித்தார்.
Leave a Reply
Your email address will not be published. Required fields are marked *
தேடல்
செய்தி வகை
