இன்றே உண்ணாவிரதத்தை முடிப்பார்: வாங்சுக் மனைவி முக்கிய அறிவிப்பு
- Surendran Sumdraraj
- 20 Jul, 2026
புதுடெல்லி, ஜூலை 20-
கல்வித்துறையில் பொறுப்புணர்வு மற்றும் தேர்வுத் தாள் கசிவு விவகாரத்தில் நடவடிக்கை கோரி காலவரையற்ற உண்ணாவிரதப் போராட்டத்தில் ஈடுபட்டு வரும் சமூக ஆர்வலர் சோனம் வாங்சுக், அரசியல் கட்சித் தலைவர்கள் உறுதியளித்தால் இன்றே தனது உண்ணாவிரதத்தை முடித்துக்கொள்வார் என்று அவரது மனைவி கீதாஞ்சலி ஆங்மோ அறிவித்துள்ளார். நாடாளுமன்ற மழைக்கால கூட்டத் தொடரில் கல்வித்துறையின் பொறுப்புக்கூறல் தொடர்பான பிரச்சினையை எழுப்ப அரசியல் தலைவர்கள் நேரில் வந்து உறுதி அளித்தால், போராட்டத்தை முடிக்க வாங்சுக் தயாராக இருப்பதாக அவர் தெரிவித்துள்ளார்.
சோனம் வாங்சுக் கடந்த சில வாரங்களாக கல்வித்துறையில் ஏற்பட்டதாகக் கூறப்படும் முறைகேடுகள் மற்றும் தேர்வுத் தாள் கசிவு விவகாரத்தில் மத்திய அரசின் பொறுப்பை வலியுறுத்தி உண்ணாவிரதப் போராட்டத்தில் ஈடுபட்டு வருகிறார். உடல்நலக்குறைவு காரணமாக அவர் சப்தர்ஜங் மருத்துவமனையில் அனுமதிக்கப்பட்டுள்ள நிலையில், அவரது உடல்நிலை குறித்து மருத்துவர்கள் தொடர்ந்து கண்காணித்து வருகின்றனர். மருத்துவமனையில் இருந்தபோதும் தனது கோரிக்கைகளில் அவர் உறுதியாக இருப்பதாக அவரது மனைவி தெரிவித்துள்ளார்.
Leave a Reply
Your email address will not be published. Required fields are marked *
தேடல்
செய்தி வகை
