• Muthu Kumar
• 07 Jun, 2025

புத்ராஜெயா, ஜூன் 7:

தாய்லாந்து மற்றும் கம்போடியா ஆகிய இரு நாடுகளையும் உள்ளடக்கிய எல்லைப் பிரச்சினையைத் தீர்ப்பதில் இரு நாடுகளும் எடுத்த நடவடிக்கைகளை மலேசியா ஆதரிப்பதாக பிரதமர் டத்தோஸ்ரீ அன்வார் இப்ராஹிம் தெரிவித்துள்ளார்.

ஆசியான் 2025 இன் தலைவராக, ஜூன் 14 ஆம் தேதி திட்டமிடப்பட்டுள்ள தாய்லாந்து மற்றும் கம்போடியா இடையேயான பேச்சுவார்த்தைகளின் வளர்ச்சியைப் பின்பற்றவும், பேச்சுவார்த்தைகளில் தேவையான ஒத்துழைப்பை வழங்கவும் மலேசியா தயாராக இருப்பதாக அன்வார் கூறினார்.

தாய்லாந்து மற்றும் கம்போடியா நாடுகளின் பிரதமர்களிடம் தாம் பேசியதாகவும், எல்லைப் பிரச்னை தொடர்பாகப் பல நடவடிக்கைகளை எடுத்துள்ளதாகவும் அன்வார் கூறினார்.
இதுவரை, இரு அரசாங்கங்களும் இணக்கமான பேச்சுவார்த்தைகளைத் தொடரும் நிலைப்பாட்டை எடுத்துள்ளன ”என்று அவர் இன்று மஸ்ஜித் புத்ராவில் சுமார் 15,000 பேருடன் கலந்துகொண்ட ஐடிலதா நிகழ்ச்சியில் கூறினார்.

மே 28 அன்று, தாய்லாந்தின் உபோன் ரட்சதானி மாகாணத்திலும் கம்போடியாவின் பிரியா விஹார் மாகாணத்திலும் தாய் மற்றும் கம்போடிய துருப்புக்கள் ஒரு சிறிய மோதலில் ஈடுபட்டன, இதன் விளைவாக ஒரு கம்போடிய சிப்பாய் கொல்லப்பட்டதாகக் கூறப்படுகிறது.
அதன்பிறகு, எல்லைப் பிரச்சினையை சர்வதேச நீதிமன்றத்திற்கு (ICJ) கொண்டு வருவதற்கான தனது நோக்கத்தை கம்போடியா அறிவித்துள்ளது.

Malaysia menyokong usaha Thailand dan Kemboja menyelesaikan isu sempadan secara damai. Sebagai Pengerusi ASEAN 2025, Malaysia bersedia memberi kerjasama dalam rundingan akan datang. Anwar Ibrahim menyatakan kesediaan itu selepas insiden kecil tentera dua negara baru-baru ini.