• Shan Siva
• 03 Jan, 2025

கோலாலம்பூர், ஜன 3: 2018ல் பிரதமர் டத்தோஸ்ரீ அன்வார் இப்ராகிமுக்கு அளிக்கப்பட்ட அரச மன்னிப்பு குறித்து கருத்து தெரிவிக்க அம்னோ இளைஞர் தலைவர் டாக்டர் அக்மால் சலே தகுதியற்றவர் என மாரா தொழில்நுட்பப் பல்கலைக்கழகத்தின் அரசியல் ஆய்வாளர் Aziz Azizam தெரிவித்துள்ளார்.

முன்னாள் பிரதமர் நஜிப் ரசாக்கிற்கு அரச மன்னிப்பு மற்றும்  வீட்டுக் காவலில் வைக்கக் கோரும் பிரச்சனையில் அக்மால் பேசியதும் தவறு என்று அவர் கூறினார்.

ஒரு முக்கிய அம்னோ தலைவர் என்ற முறையில், அக்மால் இதுபோன்ற விஷயங்களைக் கையாளும் போது எச்சரிக்கையாக இருக்க வேண்டும் என்று அவர் நினைவூட்டினார்.

எந்தவொரு கூட்டணியிலும் மாறுபட்ட கருத்துக்கள் பொதுவானவை என்றாலும், அக்மாலின் கருத்துக்கள் பாரிசான் நேசனல் (பிஎன்) மற்றும் பக்காத்தான் ஹராப்பான் (பிஎச்) ஆகியவற்றுக்கு இடையேயான பலவீனமான உறவில் விளைவுகளை ஏற்படுத்தக்கூடும் என்று அஜீஸ் கூறினார்.

அம்னோவில் ஒரு முக்கிய இளம் தலைவராக, அவர் பிரச்சினைகளை மதிப்பீடு செய்வதில் அதிக விவேகத்துடன் இருக்க வேண்டும். ஏனெனில் அது அரசாங்கத்தில் கட்சியின் பங்கிற்கு கட்சியின் உறுதிப்பாட்டை பிரதிபலிக்கிறது என்று அஜீஸ் FMT இணைய ஊடகத்திற்கு வழங்கிய செய்தியில் தெரிவித்துள்ளார்.

அன்வாருக்கு வழங்கப்பட்ட பொது மன்னிப்பை நஜிப்பிற்கு ஒப்பிட்டுப் பேசுவது சரியாகாது. அன்வார் ஏற்கனவே ஆறு ஆண்டுகள் சிறைத்தண்டனை அனுபவித்துவிட்டார். அதேசமயம் நஜிப்பின் சிறைத்தண்டனை இன்னும் தொடர்கிறது என அவர் சுட்டிக்காட்டினார்.

எனவே, நாட்டின் சட்ட அமைப்பின் ஒருமைப்பாட்டைக் கேள்வி கேட்க அக்மால் தகுதியற்றவர், அவர் செய்த ஒப்பீடு சமநிலையற்றது என்று அஜிஸ் கூறினார்.

‘அம்னோ ஒரு குற்றவாளியை விடுவிக்கும் கட்சி அல்ல’ என்பதால், கட்சி தனது சித்தாந்த கடமைகளை நிலைநிறுத்துவதில் கவனம் செலுத்த வேண்டும் என்றும் அவர் அறிவுறுத்தினார்!