• Muthu Kumar
• 05 Jun, 2025

கோலாலம்பூர், ஜூன் 5:

பாங்சாரின் லோராங் மாரோப்பில் உள்ள ஒரு கட்டுமான இடத்தில் நேற்று கண்டெடுக்கப்பட்ட பிரிட்டிஷ் நாட்டவர் என நம்பப்படும் ஒருவரின் உடல் இன்று பிரேத பரிசோதனை செய்யப்பட்டது.பிரேத பரிசோதனை முடிவுகள் குறித்த அதிகாரப்பூர்வ அறிக்கை நடைமுறை முடிந்ததும் வெளியிடப்படும் என்று பிரிக்ஃபீல்ட்ஸ் காவல்துறைத் தலைவர் ஏசிபி கு மஷாரிமான் கு மஹ்மூத் தெரிவித்தார்.

உடலை அடையாளம் காண பிரிட்டிஷ் நபரின் குடும்பத்தினர் மலேசியா வந்துள்ளனர் என்று அவர் கூறினார்.முந்தைய ஊடக அறிக்கைகளின்படி, 25 வயதான ஜோர்டான் ஜான்சன்-டாய்ல், மே 27 அன்று பாங்சார் பகுதியில் கடைசியாகக் காணப்பட்ட பின்னர் காணாமல் போனதாகக் கூறப்பட்டது.

அந்த நபரின் மொபைல் போன் மூலம் அவரைத் தொடர்பு கொள்ளத் தவறிய பின்னரே அவர் காணாமல் போனதை அவரது குடும்பத்தினர் உணர்ந்தனர், மேலும் அவரது சமூக ஊடகக் கணக்குகளும் செயலிழந்துவிட்டன.இந்நிலையில் கட்டுமானத் தளத்தின் கீழ் மட்ட லிஃப்ட் ஷாஃப்ட் பகுதியில் உடல் முகம் குப்புறக் கிடந்ததாகவும், அந்த நபரின் சில ஆடைகள் கழன்று கிடந்ததாகவும் தெரிகிறது.

Seorang lelaki warga British, dipercayai Jordan Johnson-Doyle, yang hilang sejak 27 Mei lalu, ditemui mati di tapak pembinaan di Lorong Maarof, Bangsar. Bedah siasat dijalankan dan keluarganya telah tiba untuk pengecaman. Siasatan masih diteruskan.