• Shan Siva
• 15 Jun, 2024

கோலாலம்பூர்: மலேசிய நெடுஞ்சாலை ஆணையம் (LLM) வடக்கு-தெற்கு விரைவுச்சாலை, கோலாலம்பூர்-காரக் விரைவுச்சாலை மற்றும் கிழக்கு கடற்கரை விரைவுச்சாலை (LPT) 1 மற்றும் LPT2 ஆகியவற்றைப் பயன்படுத்தும் வாகனங்களின் எண்ணிக்கை ஈகைத் திருநாள்  கொண்டாட்டத்தை முன்னிட்டு 2.52 மில்லியனாக அதிகரிக்கும் என எதிர்பார்க்கப்படுகிறது. 

போக்குவரத்தால் ஏற்படும் பாதிப்பைக் குறைக்கும் வகையில், கடந்த புதன்கிழமை முதல் ஜூன் 19-ஆம் தேதி வரை பாதைகள் மூடும் கட்டுமானம் மற்றும் பராமரிப்புப் பணிகளை நிறுத்துமாறு அனைத்து நெடுஞ்சாலைச் பராமரிப்பாளர்களுக்கும் உத்தரவிடப்பட்டுள்ளது.

நெடுஞ்சாலைகள் மற்றும் அனைத்து வசதிகளும் சிறப்பாகச் செயல்படுகின்றன. குறிப்பாக ஓய்வு மற்றும் பொழுதுபோக்கு (R&R) பகுதி, லே-பைகள் மற்றும் கூடுதல் தற்காலிக பாதைகளுடன் கூடிய கட்டண வசூல் அமைப்பு ஆகியவை சிறப்பாகச் செயல்படுகின்றன என்று  மலேசியா நெடுஞ்சாலை ஆணையம் மேலும் கூறியது.

"பல R&Rகளில் கூடுதல் பார்க்கிங் வசதிகள் மற்றும் கையடக்க கழிப்பறைகள் வழங்கவும், பணியாளர்களின் எண்ணிக்கையை அதிகரிக்கவும், எரிபொருள் நிலையங்களில் போதுமான தண்ணீர் மற்றும் எரிபொருள் விநியோகத்தை உறுதிப்படுத்தவும், பல இடங்களில் ஸ்மார்ட் லேன்களை செயல்படுத்தவும்  அறிவுறுத்தப்பட்டுள்ளது.