• Shan Siva
• 16 Jul, 2024

கோலாலம்பூர், ஜூலை 16: செயற்கை நுண்ணறிவு (AI) தொழில்நுட்பத்தைப் பயன்படுத்தி உருவாக்கப்பட்ட போலி வீடியோக்கள் மற்றும் படங்களை உள்ளடக்கிய மோசடிகளால் பாதிக்கப்பட்டவர்கள், அடுத்தக்கட்ட நடவடிக்கைக்கு வசதியாக அறிக்கையைத் தாக்கல் செய்ய முன்வருமாறு
புக்கிட் அமான் வணிகக் குற்றப் புலனாய்வுத் துறையின் (சிசிஐடி) இயக்குநர் டத்தோஸ்ரீ ராம்லி முகமது யூசுப் வலியுறுத்தியுள்ளார்.

மோசடிச் செயல்களில் தங்களின் முகம் மற்றும் குரல்கள் அவர்களுக்குத் தெரியாமல் பயன்படுத்தப்பட்டதா என்பதை பாதிக்கப்பட்டவர்களால் மட்டுமே சரிபார்க்க முடியும்.

இத்தகைய மோசடிகள் அடிக்கடி நிகழ்ந்து வருகின்றன, மேலும் அவை தொடர்ந்து நிகழும் என்று  காவல்துறை எதிர்பார்ப்பதோடு, டீப்ஃபேக் போன்ற செயற்கை நுண்ணறிவு நுட்பத்தில் தயாரிக்கப்படும் போலியான வீடியோக்கள், படங்கள் உண்மையில் மிகவும் கடினமானவை. எனவே,  அவற்றைச் சரி பார்க்க பாதிக்கப்பட்டவர்களிடமிருந்து சரிபார்ப்பு தேவைப்படுகிறது.

உதாரணமாக, அரசியல் தலைவர்கள் சம்பந்தப்பட்டால், அந்த நபர் மட்டுமே அவர்களின் ஈடுபாட்டை சரிபார்க்கவோ அல்லது மறுக்கவோ முடியும்," என்று  அவர் விளக்கமளித்துள்ளார்.

இதுபோன்ற வழக்குகள் குறித்து இதுவரை காவல்துறைக்கு எந்த அறிக்கையும் வரவில்லை என்று தெரிவித்த அவர், பாதிக்கப்பட்டவர்கள் உடனே காவல்துறையை அணுகவும் என்று அவர் கேட்டுக் கொண்டார்!

இந்த தந்திரோபாயம் வணிக ரீதியான குற்றச் செயல்களுக்கு வழிவகுக்கும்; உதாரணமாக, அரசியல்வாதிகள் மற்றும் பிரபலங்கள் போன்ற செல்வாக்கு மிக்க நபர்களைக் கொண்ட வீடியோக்கள் சந்தேகத்திற்குரிய திட்டங்களில் முதலீடு செய்ய மக்களை வலியுறுத்தும்.

டீப்ஃபேக் வீடியோக்களின் பரவல், முன்கூட்டியே கவனிக்கப்படாவிட்டால் அமைதியின்மை மற்றும் ஒற்றுமையை சீர்குழைக்கும்  என்று அவர் கூறினார்.

எனவே, இதுபோன்ற மோசடிகளுக்குப் பலியாகாமல் இருக்க, பொதுமக்கள் எச்சரிக்கையுடன் செயல்படவும், பெறப்பட்ட எந்த தகவலின் நம்பகத்தன்மையை சரிபார்க்கவும் ரம்லி வலியுறுத்தினார்.

பிரபல பாடலாசிரியர் டத்தோஸ்ரீ சித்தி நூர்ஹலிசா தந்திரோபாயங்களுக்கு பலியாகியதை அடுத்து, AI-உருவாக்கப்பட்ட டீப்ஃபேக்குகள் குறித்து பொதுமக்கள் எச்சரிக்கையாக இருக்குமாறு தகவல் தொடர்பு அமைச்சர் ஃபஹ்மி ஃபாட்சில் திங்கள்கிழமை (ஜூலை 15) வலியுறுத்தினார் என்பது குறிப்பிடத்தக்கது.

AI இன் பயன்பாடு உண்மையில் நாட்டின் வளர்ச்சிக்கு உதவுகிறது. இருப்பினும் சில கட்சிகள் தொழில்நுட்பத்தை தவறாகப் பயன்படுத்துகின்றன என்று அவர் கூறினார்!