• Shan Siva
• 15 Jul, 2025

கோலாலம்பூர், ஜூலை 15: திரெங்கானுவின் ஜெர்தியில் தோர் இளம்பெண், தொலைபேசி மோசடி கும்பலால் ஏமாற்றப்பட்டு, தனது தாயின் RM140,000 மதிப்புள்ள நகைகளை அடையாளம் தெரியாத ஒருவரிடம் ஒப்படைத்தார்.

உயர்கல்வி நிறுவனத்தில் சேர்க்கைக்காக காத்திருக்கும் 18 வயதான அந்த இளம்பெண், ஜூலை 12 அன்று அடையாளம் தெரியாத ஒருவரால் ஏமாற்றப்பட்டதாகக் கூறி புகார் அளித்ததாக பெசூட் காவல்துறைத் துணைத் தலைவர் சானி சாலே தெரிவித்தார்.

ஜூலை 1 ஆம் தேதி டச் ‘என் கோ’வின் தலைமையகத்தின் பிரதிநிதிகள் என்று காட்டிக் கொண்ட மூன்று பேர் மற்றும் பேராக் காவல் தலைமையகத்தைச் சேர்ந்த ஒரு காவல் அதிகாரியிடமிருந்து இளம்பெண்ணுக்கு தொலைபேசி அழைப்புகள் வந்தன.

சில தரப்பினர் தனது விவரங்களை தவறாகப் பயன்படுத்தியதாக அவர்கள் கூறினர். மோசடி மற்றும் பணமோசடி வழக்குகளில் அவர் ஈடுபட்டதாகவும் அவர்கள் குற்றம் சாட்டினர்.  

ஜூலை 2 ஆம் தேதி ஜெர்தி நகரில் உள்ள ஒரு பல்பொருள் அங்காடியில் நடந்த கூட்டத்தில், பயத்தின் காரணமாக பாதிக்கப்பட்ட பெண் தனது தாயின் நகைகளை சந்தேக நபரிடம் ஒப்படைத்ததாக சானி கூறினார்.

சந்தேக நபர் அதே நாளில் நகைகளைத் திருப்பித் தருவதாக உறுதியளித்ததாகவும், ஆனால் பின்னர் நகைகள் காவல்துறையின் தடயவியல் பிரிவால் மேலதிக விசாரணைக்காக வைக்கப்பட்டுள்ளதாக அந்த பெண்ணிடம் கூறியதாகவும் அவர் கூறினார்.

பின்னர் நகைகளை மீட்டெடுக்க RM28,000 செலுத்த வேண்டும் என்று கூறப்பட்டது. அதன் பின், தான் ஏமாற்றப்பட்டதை உணர்ந்ததும், அவர் போலீசில் புகார் அளித்தார் என்று சானி சலே கூறினார்!