• Shan Siva
• 20 Jul, 2024

பெட்டாலிங் ஜெயா, ஜூலை 20: மலேசியாவின் 17வது மாமன்னராக சுல்தான் இப்ராகிம் பதவியேற்பு விழா இன்று காலை கோலாலம்பூரில் உள்ள இஸ்தானா நெகாராவின் (சிம்மாசன மண்டபத்தில் நடந்தது.

யாங் டி-பெர்டுவான் அகோங்கின் அதிகாரபூர்வ உடையான 'மஸ்கட்'  உடையில் பேரரசரும், தங்க நிற குருங் ஜொகூர் ஆடையில் ராஜா பெர்மைசூரி அகோங் ராஜா ஜரித் சோபியாவும் அணிந்திருந்தனர்.

மலேசிய முடியாட்சியின் மரபுகள் நிறைந்த ஒரு விழாவில் அரச தம்பதிகள் நுழைந்தபோது பேராக்கின் நோபட் (ராயல் ஆர்கெஸ்ட்ரா)  இசை மண்டபத்தில் எதிரொலித்தது.

மலாய் ஆட்சியாளர்கள், ஆளுநர்கள், பிரதமர் அன்வார் இப்ராஹிம் மற்றும் வெளிநாட்டு பிரமுகர்கள் , தலைவர்கள் உட்பட சுமார் 700 விருந்தினர்கள் விழாவில் கலந்து கொண்டனர், இது தேசிய தொலைக்காட்சியில் நேரடியாக ஒளிபரப்பப்பட்டது.

சுல்தான் இப்ராஹிம் ஜனவரி 31 அன்று மலேசியாவின் 17வது மன்னராக பதவியேற்றார். 1957 இல் நாடு சுதந்திரம் அடைந்ததிலிருந்து நடைமுறையில் உள்ள மலாய் மன்னர்களின் சுழற்சி முறையின் இரண்டாவது சுற்று முறையை அவர் தொடர்கிறார்,

பஹாங்கின் அல்-சுல்தான் அப்துல்லா சுல்தான் அஹ்மத் ஷாவை அடுத்து சுல்தான் இப்ராஹிம் நியமிக்கப்பட்டார்,. அவருடைய 16வது மன்னரின் ஆட்சி ஜனவரி 30 அன்று முடிவடைந்தது!