• Shan Siva
• 03 Oct, 2024

கோலாலம்பூர், அக் 3: குளோபல் இக்வான் சர்வீசஸ் அண்ட் பிசினஸ் ஹோல்டிங்ஸ் நிறுவனத்துடன்இணைக்கப்பட்ட 206 வங்கிக் கணக்குகளில்  1.35 மில்லியனுக்கும் அதிகமான பணம் காவல்துறையால் முடக்கப்பட்டுள்ளது தேசிய போலீஸ் படைத் தலைவர் டான்ஸ்ரீ ரஸாருடீன் ஹுசைன் தெரிவித்தார்.

இதில் 1.35 மில்லியன் டெபாசிட்கள் உள்ள 205 வங்கிக் கணக்குகளும், 1,344.26 அமெரிக்க டாலர்கள் (RM5,700) உள்ள ஒரு வங்கிக் கணக்கும் உள்ளடங்கியதாக ரஸாருடீன் கூறினார்.

GISBH இலிருந்து 31 வாகனங்கள் மற்றும் 19 நிலங்கள் உட்பட பல்வேறு சொத்துக்களையும் போலீசார் பறிமுதல் செய்துள்ளதாக அவர் குறிப்பிட்டார்.

பணமோசடி தடுப்பு, பயங்கரவாதத்திற்கு நிதியளித்தல் மற்றும் சட்டவிரோத நடவடிக்கைகளின் வருவாய் சட்டத்தின் 44(1) பிரிவின் கீழ் வங்கிக் கணக்குகள் முடக்கப்பட்டுள்ளதாகவும் அதே சட்டத்தின் 45(2) பிரிவின் கீழ் சொத்துக்கள் பறிமுதல் செய்யப்பட்டதாகவும் ரஸாருடீன் கூறினார்.

இன்றுவரை, 93 GISBH உறுப்பினர்கள் குற்றவியல் நடைமுறைச் சட்டத்தின் 117வது பிரிவின் கீழ் காவலில் வைக்கப்பட்டுள்ளனர், மேலும் 34 பேர் சொஸ்மா சட்டத்தின் கீழ் தடுத்து வைக்கப்பட்டுள்ளனர்!